جون كێربی، پەیڤدارێ بناڤێ وەزارەتا بەڕەڤانییا ئەمریكا دلگرانییا وەڵاتێ خۆ لهەمبەر پێشداچوونێن بلەزێن بزاڤا تالیبان و كۆنتڕۆڵكرنا باژاڕێن مەزن و دەڤەرێن جودا جودایێن ئەفغانستان ڕاگەهاند، و ئاشكرا كر، كو لشەڤا دەربازبوویی بەڕژەنگێن هێزەكا مارێنز گەهشتە كابۆل و دڤێ حەفتیێدا هژمارا سەربازێن پێدڤییە بگەهنە ئەفغانستان دێ گەهیتە سێ هزار سەربازان.
د كۆنگرەكێ ڕۆژنامەڤانیدا، جون كێربی پەیڤدارێ بناڤێ بنتاگۆن ڕاگەهاند، ئارمانج ژ ڕەوانەكرنا هێزێن مارێنز بۆ كابۆل، پاراستن و ڤەگوهاستنا دبلوماتكار و وەڵاتیێن ئەمریكایە، و كیربی دووپاتكر كو هەتا نوكە ئیدارا واشنتون پشتەڤانییا حكومەتا كابۆل دكەت، و داخوازكر سوپا و هێزێن ئەمنیێن ئەفغانستان بەڕەڤانیێ بكەن و ڕێ لهەمبەر پێشداچوونا چەكدارێن تالیبان بگرن.
پەیڤدارێ بناڤێ وەزارەتا بەڕەڤانییا ئەمریكا خۆیاكر، كو باڵیۆزخانا وەڵاتێ وی دەست ب ژناڤبرنا بەلگەنامە و چەنداتیەكا زۆر یا ئامیر و پێدڤیێن گرنگ كرییە، و هێزێن مارێنز دێ دبلۆماتكار و كارمەندێن باڵیۆزخانێ ب فڕۆكان ڤەگوهێزنە فڕۆكخانا كابۆل هێنە.
ئەڤە د دەمەكیدایە، حكومەتا بریتانیا ژی بڕیاردایە 500 سەربازان ڕەوانەی كابۆڵ بكەت بۆ پاراستن و ڤەگوهاستنا دبلۆماتكار و كارمەندێن باڵیۆزخانێ و وەڵاتیێن بریتانی ژ ئەفغانستان.
Comments are closed, but trackbacks and pingbacks are open.