بنگەھێ لالش بەرھەمەکێ نوو یێ ھۆنەری دێ بەلاڤ کەت : ب سپۆسنەریا دەستەیا بلندا بنگەھێ لالش یێ رەوشەنبیری و جڤاکی ل دھۆکێ،کار لسەر چێکرنا بەرھەمەکێ نوو یێ ھۆنەری لدۆر جەژنا چارشەمبا سەرێ سالا ئێزدیان دئێتە کرن،بەریا جەژنێ ئەڤ بەرھەم ئێتە بەلاڤکرن.
جەعفەر سمۆ،دەرھێنەرێ کلیپ و سروودا (ئۆلا من) دیارکر : ”پشتی کو ئێک ژ سترانبێژین ناڤدارێن کورد ل دەرڤەی وەلاتی ئەلند دۆسکی قەستا ھەرێما کوردستانێ کری بۆ ھندێ خزمەتا ئێزدیان بکت ب رێیا کلیپەکێ یان ژی وەکو سروودەکا ئایینی لسەر جەژنا چارشەمبا سەرێ سالا ئێزدیان،داخواز ژ مە کر وەکو بنگەھێ لالش سپۆنسەریا ڤێ سروودا ئایینی یان ژی ڤێ کلیپێ ب ستۆیێ خۆ ڤە بگرین،پشتی مە بەرێ خۆ دایە ناڤەرۆکا وێ یا پر ھێژا بوو کو دەربرین ژ رێورەسمێن سەرسالێ ب شێوەکی جوان کریە دڤی تێکستی یان دڤێ ھەلبەستا خۆ دا،کو بەحسێ ھندێ دکت کا چاوا ئێزدی ئاینەکێ گەلەکی کەڤن و دێرینە کو بنەکوکا مللەتێ کورد ئێزدینە و بەحسێ میتۆلۆژیا ئێزدیا کریە درێیا ڤی تێکستێ ب رێک و پێک”.
ھەروەسا دیارکر:”مە دیت کو گەلەکا گرنگە ئەم سپۆنسەریا ڤێ کلیپێ یان سروودا ئایینی بکەین،پشتی مە تێکست رادەستی جەنابێ شێخ شامۆ سەرۆکێ دەستەیا بلندا بنگەھێ لالش کری ئێکسەر رازەمەندی لسەر دا، بۆ ھندێ ئەم وەکو راگەھاندنا بنگەھێ لالش ب ئەرکێ دەرھێنانا وێ و بەرھەمێ وێ رابن و ئەز و دەرھێنەر مازن ئێسیانی ب کارێ دەرھێنانێ رابووینە”
.زێدەتر گۆت:”نڤیسینا تێکستێ ڤێ کلیپێ ژئالیێ رەشۆ عەیشانا ڤە بوویە گەنجەکێ ئێزدی یە ل دەرڤەی وەلاتی،ئەم دبینن دێ ئێک ژ باشترین بەرھەمێن ھۆنەری بت لدۆر جەژنا سەرێ سالێ”.
Comments are closed, but trackbacks and pingbacks are open.