نوونەرێ ئەمریكا بۆ كاروبارێن باكوورێ رۆژهەلاتا سووریا راگەهاند، واشنتون ب تۆندی ل دژی هەموو كریارێن سەربازییە ل دەڤەرێ.
نیكۆلاس گرانگەر، نوونەرێ ئەمریكا بۆ كاروبارێن باكوورێ رۆژهەلاتا سووریا د پرێسكۆنفرانسەكی دا راگەهاند، ئەو ئالۆزییێن ل چەند حەفتییێن بووری رووداین جهێ قه‌بولكرنێ نینن، ئەمریكا دلگرانە ژ وان كریارێن سەربازی یێن بووینە ئەگەرێ درۆستكرنا گەفان بۆ سەر ئارمانجێن وێ ل دەڤەرێ.
گۆت ژی: ئەمریكا و هەڤپەیمانێن خوە لگەل ئەنقەرە و هەسەدێ ل سەر هێلن داكو پشت راست ببن كو رەوش یا ئارامە.
رۆژا 20ی چریا دووێ یا ئەڤسالە توركیا ئۆپەراسیۆنەكا ئەسمانی ل چەند دەڤەرەكێن رۆژئاڤایێ كوردستانێ و باكوورێ سووریا دژی هێزێن سووریا دیمۆكرات – هەسەدێ ئەنجامدان. ل دویڤ زانیارییێن رێڤەبەرییا خۆەسەر، ئەو هێرشە بوونە ئەگەرێ گیان ژ دەستدانا 59 كەسان كو 16 ژێ خەلكێ سڤیل بوون، 19 شەرڤانێن هەسەدێ بوون و 24 ژی سەربازێن سۆپایێ سووریا بوون.
Comments are closed, but trackbacks and pingbacks are open.