رۆژنامەیەكا ئەمریكی زاردەڤێ مەزنە بەرپرسەكێ ئیدارا جۆ بایدت بەلاڤ كر كو ئەمریكا دێ دەست ب ڤەكێشانا سیستەمێ خۆ یێ پاتریۆت یێ بەڕەڤانییا ئاسمانی كەت ژ دەڤەرا رۆژهەلاتا ناڤین.
رۆژنامەیا وۆل ستریت جۆرنال بەلاڤ كر، ئەمریكا دێ نێزیكی هەشت یەكێن سیستەمێ موشەكێن پاتریۆت یێن بەڕەڤانییا ئاسمانی ژ عیراقێ، كوێت، ئۆردن عەرەبستانا سعودیێ ڤەكێشیت.
ل دویڤ وێ رۆژنامەیێ، ئەمریكا سیستەمێ پێشكەڤتیێ (ساد) ژی یێ دژی فڕۆكان ژ عەرەبستانا سعودیێ ڤەكێشایە و هژمارا فڕۆكێن خۆ یێن شەڕكەر ژی ل دەڤەرێ كێم كرینە.
ئەڤ پێنگاڤا واشنتۆن هەڤدەمە دگەل كێمكرنا هێزێن ئەمریكی ل عیراقێ و ڤەكێشانا سەربازێن ئەمریكی ژ ئەفغانستانێ.
Comments are closed, but trackbacks and pingbacks are open.