“واشنتون ستایشا توركیا دكەت ژبۆ رۆلێ وێ د هاریكاریكرنا پەنابەرێن سووریا دا. “
پەیڤدارێ وەزارەتا دەرڤە یا ئەمریكا راگەهاند، لگەل توركیا و هەڤپەیمانێن خوە یێن دی ل سووریا دێ كار ژبۆ پاراستنا وان دەستكەفتان كەن یێن وان ل شەرێ دژی داعشێ ل وی وەلاتی بدەستڤەئیناین.
نید پرایس، پەیڤدارێ وەزارەتا دەرڤە یا ئەمریكا د پرێس كۆنفرانسەكی دا راگەهاند، واشنتون ستایشا توركیا دكەت ژبۆ رۆلێ وێ د هاریكاریكرن و دابینكرنا پەناگەهەكێ ئارام دا بۆ پەنابەرێن سووری یێن كو نەچاربووین مال و حالێن خوە بجهبهێلن.
دەمێ چەند هەیڤایە توركیا گەفێن ئەنجامدانا ئۆپەراسیۆنەكا بەرفرەهـ یا ئەسمانی و ئەردی بۆ سەر رۆژئاڤایێ كوردستانێ و باكوورێ سووریا دكەت.
ل دویڤ راگەهاندنەكا سەرۆكاتییا توركیا رەجەب تەیب ئەردوگان، سەرۆككۆمارێ وی وەلاتی ب تەلەفۆنێ لگەل هەڤكیفێ خوە یێ رووسی ڤلادیمێر پۆتین، رەوشا سووریا گۆتوبێژكریە و د وێ پەیوەندییێ دا ئەردوگانی داخواز ژ پۆتینی كریە بزاڤان بكەت شەرڤانێن هەسەدێ ل دەڤەرێن باكوورێ سووریا ب درێژاهییا 30 كیلۆمەتران ل سنۆرێ توركیا دوویربێخیت.
Comments are closed, but trackbacks and pingbacks are open.