سەرۆک ئەرکانێ وەزارەتا پێشمەرگەی یا حکوومەتا هەرێما کوردستانێ دگەل تیما شیرەتکارێن هەڤپەیمانان ل هەرێما کوردستانێ کۆمبوو.
وەزارەتا پێشمەرگەی د ڕاگەهاندنەکێ دا بەڵاڤکریە:” ئەڤرۆ چار شەمبی 14-12-2022، فەریق ڕۆکن عیسا عوزێر، سەرۆک ئەرکانێ وەزارەتا پێشمەرگەی ل دیوانا وەزارەتێ پێشوازی ل شاندەکێ لەشکەری یێ هێزێن هەڤپەیمانان ل هەرێما کوردستانێ ب سەرۆکایەتیا کۆلۆنیل سۆریا، بەرپرسێ تیما سەربازی یا هەڤپەیمانان ل هەرێما کوردستانێ و شاندێ دگەل دا کر.”
ئاماژە کریە ژی:” بەرپرسێ تیما شیرەتکارێن هەڤپەیمانان ل هەرێما کوردستانێ دلخۆشیا خۆ ب ڕێکارێن وەزارەتا پێشمەرگەی دیارکر، ب تایبەت د پرسا دروستکرنا فرقەیان و گوت ژی: دروستکرنا فرقەیان د ڤی دەمی دا، جهێ دلخۆشییا هەمیانە و ب پێنگاڤەکا گرنگ و پێدڤی دزانین بۆ داهاتوویێ پێشمەرگەی، هەڤدەم دوپاتی لسەر بەردەوامبوونا خۆ ل پشتەڤانیکرنا هێزێن پێشمەرگەی ژ روویێ لوجستی و شیرەتکاری کر.”
Comments are closed, but trackbacks and pingbacks are open.