ئەمریکا سزا لسەر حەفت بەرپرسێن دی یێن ئیرانێ دا سەپاند، کو دەست د کوشتن و توندوتیژیێ ل ھەمبەر خۆ پێشاندەران و راوستاندنا تۆرێن ئەنترنێتێ ل وی وەلاتی ھەبوو.
وەزارەتا گەنجینەیا ئەمریکا پاکێجەکا دی یا سزایان لسەر ئیرانێ سەپاند و ئەڤ جارە سزا لسەر حەفت بەرپرسان دا سەپاندیە و ژ دیارتین وان کەسان ژی وەزیرێ نافخۆ و گەھاندنێ یێن ئیرانێ نە.
ئەو بەرپرسێن ئیرانێ یێن سزا لسەر ھاتیە سەپاندن پێکھاتینە ژ: ئەحمەد وەحید وەزیرێ نافخۆ، عیسا زەری پوور وەزیرێ گەھاندنێ، حسێن ساجیدینیا جێگرێ فەرماندەیێ ئۆپەراسیونان، یەدولڵا جەوانی جێگرێ فەرماندەیێ سیاسی یێ سوپایێ پاسداران، وەحید محەمەد ناسر سەرۆکێ پۆلیسێن سایبەر، حسێن نەژاد فەرماندێ سوپایێ پاسداران و کەسێ نێزیک ژ خامەنەیی و حسێن رەحیمی بەرپرسێ ھێزێن پۆلیسێن تەھرانێ.
جێگرێ وەزیرێ گەنجینەیا ئەمریکا راگەھاند، “ژ ئەگەرێ گیان ژ دەستدانا ژینا ئەمنی یا د ژیێ 22 سالیێ دا و کوشتن و ئەشکەنجەدانا و بەرھەنگاربوونا خۆ پیشاندەران، مە پۆلیسێن رەوشتی یێن ئیرانێ و چەندین بەرپرسێن بلند یێن ئیرانێ ئێخستینە د لیستا سزایان دا و بۆ داھاتی ژی بێی دوو دلی ئەو بەرپرسێن ئیرانی یێن فەتمانان ددەن، دێ ئێخینە د لیستا سزایان دا.”
Comments are closed, but trackbacks and pingbacks are open.