زێ بادینان .
رۆپەلا دەیلی مەیڵ بەلاڤکریە، بالەفرێن بێ بالەفرڤانێن ئەمریکا کسەک ب توهمەتا پلاندانانا هێرشا سەر بالەفرخانا حامید کارزای ل کابۆلا پایتەخت ل هەرێما نانگەهار،کوشتیە.
ئەوژی دیارکر، پنتاگۆن ب بالەفرێن بێ بالەفرڤان کەسەک ل ئەفغانستانێ بۆردومان کریە و ب وی سەدەمی ژیانا خۆ ژدەستدایە.
ئاماژە ب وێیەکێ ژی کر، بالەفرا بێ بالەفرڤان کەسەک ئەندامێ داعشا خۆراسانی ل هەرێما نانگەهار کریە ئارمانج و چ وەلاتیێن مەدەنی زیان بەرنەکەفتیە.
ل گوڕەی ئاژانسا رۆیتەرز، فەرمانا هێرشێ ژ ئالیێ جۆ بایدن، سەرۆکێ ئەمریکا ئەنجامدایە.
ئاژانسێ زەلالژی کریە، خەلکێ جەلال ئابادا پایتەختێ نانگەهار دەنگێ تەقینەکێ گوهلێبوونە.
بەریا نها وەزارەتا بەرەڤانیا ئەمریکا (پنتاگۆن) ڕاگەهاند، تەقینەکا خۆکوژی ل بالەفرخانا کابۆل رویدایە و ٩٠ کەس دناڤدا ١٣ سەربازێن ئەمریکی گیانێ خۆ ژدەستدایەو ١٥٠ کەسێن دی برینداربوون و پاشی رێکخراوا داعش بەرپرسیارەتیا خۆ ژ ئەنجامدانا تەقینێن نێزیک وێ بالەفرخانێ ڕاگەهاند.
Comments are closed, but trackbacks and pingbacks are open.