سندۆقێن دەنگدانێ بۆ هەلبژارتنێن نیڤا وەرزی ( مێدتێرم ) یێن ئەمریكا ل پتریا ویلایەتان هاتنە داخستن و ل دویڤ ئەنجامێن دەستپێكی دیاردبیت كۆماری دێ د جڤاتا نوینەران دا ب سەركەڤن.
هەلبژارتێن نیڤا وەرزی ژبۆ كۆنترۆلكرنا جڤاتا پیران و جڤاتا نوینەرانە دناڤبەرا پارتێن دیمۆكرات و كۆماری دا و تێدا 435 ئەندامێن جڤاتا نوینەران و 35 ئەندامێن جڤاتا پیران دێ هێنە هەلبژارتن.
ل دویڤ ئەنجامێن دەستپێكی یێن دەنگێن جوداكری، هەتا نوكە دیمۆكراتان 47 كورسی و كۆمارییان 46 كۆرسی د هەلبژارتنێن جڤاتا پیران دا ب دەستڤەئیناینە، پارتا سەركەفتی پێدڤییە 51 كۆرسییان ب دەستڤەبینیت. د هەلبژارتنێن جڤاتا نوینەران ژی دا دیمۆكراتان 168 كۆرسی و كۆمارییان 192 كۆرسی ب دەستڤەئیناینە، پارتا سەركەفتی پێدڤییە 218 كۆرسییان ب دەستڤەبینیت.
ئەگەر د هەلبژارتنێن جڤاتا پیران دا دەنگێن هەردوو پارتان د یەكسان بوون، سەرۆكێ وەلاتی سەر ب كیش پارتێ یە ئەو دێ ب سەركەڤیت. د نوكە دا جوبایدن سەرۆكێ ئەمریكا یە و سەر ب پارتا دیمۆكراتایە.
هەلبژارتنا نیڤا وەرزی ( مێدتێرم ) چییە؟
خەلكێ ئەمریكا هەر چوار سالان جارەكێ د هەلبژارتنەكا گشتی دا دەنگی بۆ هەلبژارتنا سەرۆكەكێ نوی ددەن. هەلبژارتنا مێدتێرم دكەڤیتە نیڤا خۆلا سەرۆكاتییێ یا سەرۆكێ وی وەلاتی و ل هەیڤا چریا دووێ دهێتەكرن.
Comments are closed, but trackbacks and pingbacks are open.