پشتی گرتەڤیدیویەک ل تورێن جڤاکی بەلاڤبوی کۆ ھاولاتیەکێ قەزا ئاکرێ ناحیا دینارتە ئاکنجیێ گوندێ گسێ، ل رێکەفتی (١١/١٢/٢٠٢١)ێ توندوتیژی دژی ئاژەلەکێ بەستەزمان ل کوندێ بامشمش ئەنجام دای، داواکارێ گشتی بەرێز(حاکم سامی) ھاتە سەرخەت، ئەڤرۆ رێکەفتی(١٣/١٢/٢٠٢١)ێ ب فەرمانا دادوەری ھاتە دەستەسەرکرن و ل دویڤ مادێ (٤٨٢) دێ رێکارێن یاسای ھەمبەر وی ھێنە وەرگرتن.
پاراستنا ژینگەە و ئاژەلان ئێک ژ بنەمایێن ئەخلاقی یە د ناڤ کومەلگەھێ دا، ھەردەما تاکێ کومەلگەھێ ژینگەھێ خۆ نەپاراست و دژی بنەمایێن ژینگەە و ئاژەل پارێزیێ راوەستا ل وی دەمی دێ بەرەڤ ھێلا مەترسیێ چین، لەوما دڤێت ئەم ھەمی ب ھەڤرا دژی کلتورێ ئەزیەت دانا ئاژەل و تێکدانا ژینگەھی ب راوەستین و نەھێلین ئەڤ کلتورە دناڤ کومەلگەھێ دا بەربەلا ببیت.
پشتی من دیڤ چوون ل دور ڤی بابەتی کری دگەل بەرێز(دکتور سلێمان) بەرپرسێ رێکخراوا ئاژەل پارێزان ل پارێزگەھا دھۆکێ، کو وی دایە دیارکرن ل سەر ئاستێ ھەرێما کوردستانێ ب دەھات کەیسێن ب ڤی ئاوای ھاتینە تومارکرن و یاسایێ رولێ خۆ ب دروستی نەدیتی یە
لێ خوشبەختانە ل باژەرێ ئاکرێ ئەڤ کەیسە ھاتە تومارکرن و رێکارێن یاسایی ھەمبەر بکەری ھاتنە وەرگرتن ئەڤژی جھێ دلخوشیێ یە کو ل ڤی باژەری یاسا سەروەرە ل ھەمی رویەکی ڤە .
Comments are closed, but trackbacks and pingbacks are open.