ئەوێ د خێر و بەرژەوەندیا مروڤان دا بیت ئەو باشترینە

• سالح زاهێر

(خير الناس أنفعهم للناس)
ئەوێ د خێر و بەرژەوەندیا مروڤان دا بیت ئەو باشترینە ، واتا دبیت مروڤ ب زانست و پارە و مال و مولک و ئەقل و شیان و پیشە و پلە و پوستێ هەی د خێرا مروڤی دابیت. و هەر ئێک دیف شیانێن خو دشێت خێرێ ب ڤی جڤاکی بگەهینیت .
د نها دا رەوشا خەلکی یا ئابوری خرابە و پێتڤی ب هاریکاری و پشتەڤانی و لێک سڤککرنێ هەیە د هەمی بیاڤان دا بێ جوداهی ، لێ نموونە ئەم دێ وەرگرین دکتور دلێر شینەیە کو ب ئوڤەرەک نوی و پری هاریکاری وەک کەسەکێ پسپور و نوژدارەک ناڤدار پێشوازیێ ل سالا نوی دکەت و بهایێ پلێتا خو دکەتە پێنج هزار دینار و پشتەڤانیا تەخا هژار و دەست کورت و هێتیم و نەدارا دکەت….
خودێ لێ رازیبیت و ان شاء اللە دێ بەرەکەت کەڤیتە عیلم و عەمەل و مال و عەیالێ دکتور دلێر و نموونێن وەکی وی ، لێرەدا دەمێ ئەڤ نموونە دئێتە پێش مە چەند پرسیارەک بو مروڤی دئێن ژ وانا … #بوچی ب هزاران دکتور هەنە رەوشا خەلکی بەرچاڤ وەرناگرن ل دەمەکێ دزانن کو خەلکێ هژار و نەدار زورە ؟ ئەرێ ئەگەر دکتور ب ویژدان نەبیت و رەوشا هەژارا بەرچاڤ وەرنەگریت ، واتا کی بەرچاڤ وەربگریت؟ ئەرێ بوچی حکومەت هەتا نوکە دەست وەردانێ بابەتی ناکەت و ڤی بازار بەڕەلایێ دیماهیک نائینیت ؟
ئەرێ بوچی دکتور بخو دەست پێشخەریێ ناکەن و ببنە نموونەین خێر و چاکیێ ؟
ل داویێ داخازا مە ژ دکتورێن هێژا ئەوە کو هەر ئێک لایێ خو ڤە دەستپێش خەریا بکەت و رەوشا خەلکی بەرچاڤ وەربگرن و ئیدی ئەو گازندێن خەلکی لێ هەی بداوی بینن و وەکی پێغەمبەری (سلاڤێن خودێ لسەر بن) گوتی (خير الناس أنفعهم للناس) و باشترین کەس ئەوە کو دخێرا مروڤان دا بیت کارێ پیروزێ نوژداریێ ئەرکەک مەزنە لێ سڤککرنا ماددی ژی کاریگەریا خو هەیە و پێتڤیە تایبەت ڤێ رەوشێ دا.

29_ 12_ 2021

• نڤیسەرێ هێژا ئەو ناڤێ تە لخارێ هاتیە نڤیسین دکاری هەموو بابەتێن خۆ یێن هاتیە بەلاڤکرن ببینی … دگەل رێز