میشێل لۆتیتۆ (زەلامێ ئاسنخۆر) ل سالا ١٩٥٠ ل فەڕەنسا ژ دایکبوویە کو یێ ناڤدارە ب زەلامێ ئاسنخۆر، سیستەمەکێ خوارنێ یێ جیاواز و ئنتیکە هەبوو.
چیرۆکا خوارنا میشلی ژبۆ ئاسن و کانزایان بۆ ئه‌وی دەمێ دزڤڕیت ده‌مێ ژییێ وی ٩ سال، دەمێ ب دەڤی پەرداخەکی دشکێنیت و ب شیشا پەرداخی بریندار نابیت، ل ئەوی دەمی هەستپێدکەت دشێت جیاواز ژ خەلکی ئەوان تشتان بخۆت.
دهێتە گۆتن کو دشێت هەمی ئەوان تشتان بخۆت یێن ئاسن و کانزا تێدا، وەکو پارچەیێن فڕۆکەیێ، بێی هەست ب ئێشانا دەڤ و ددان و گەدەیی بکەت.
بۆ ئێکەمین جار ل سالا ١٩٨٤ پشکدارییێ د هەڤڕکییەکا ئاسنخوارنێدا دبیت و ناڤێ میشلی دچیتە د پەرتووکا (گینس)دا.
میشلی د ژیانا خۆدا گەلەک ئاسن و کانزا یێن خوارین، وەکو ١٨ پایسکل، ١٨ گالیسکە(عەرەبانه) یێن مارکێتان و ٧ مەزهەری، چەندین کەلوپەلێن دیتر.
ل سالا ٢٠٠٧ د ژییێ ٥٧ سالییێدا گیانێ خۆ ژدەستددەت و نۆشداران دیارکر کو ئەو ب ئەگەرێ خوارنا ئاسنان نەمرییە، بەلکو ب ئاسایی یێ مری.
ژێدەر .دهوک تی فی
Comments are closed, but trackbacks and pingbacks are open.