زەنون سلێڤانەی ـ زاخو
بێگومان هێشتا وەکو دەنگێ قەبە قەبا کەوێ روباد دناڤا مەژی و هەست و دەرونێ مەدا لسەرێن چیا و زنار و کوخێن ڤی وەلاتی یێ د ئێتن هەر جار جاران دەنگ و ئاوازو سترانێن هونەرمەند و دەنگبێژێ نەمر تەحسین تەهایێ گوهێن مە و گوهدارو گوهداریکرنا سترانا کوردی مینا سترانا (هەمی ستران گەوریا مندا هشك ، من خەم دەریایەکا کویرە ، ئەڤروکە هاتە بیرامن ، هەلبەت زوربەیا سترانێن ویێن دلداریێ و ئەڤینیێ و نەتەوەی هەر ئێك ژوان برەنگەکێ دنژی رامانا خوەیا تایبەت هەبوویە بەردەوام پری و عەشق و ئەڤینیێ و خەمل و جاوانیا سروشتێ وەلاتێ خوە دنالیێ و ستران پێ هاتیە گوتن .
سەبارەت حنێرو قەهرەمانیا دەنگێ هونەرمەندو دەنگبێژێ نەمر تەحسین تەها دقویناغێن روژانێن سەخت و دژوار دا بوویە بەشەك ژ تەمامکەرا بەردەوامیا روژانێن شورەش و بەرخودانێ هشێارکرنا کومەلگەهێ جڤاکێ مەیێ کورداەریێ برێکا هونەرێ سترانگوتنێ شیایە کومەکا بیرهاتنێن پری ب ئێش و ژان لژێر بن دەستیێ و تەپەسەریێ نەبوونا ئازادیێ ب زوربەیا بگوتنا سترانێن خوەیێن هەمە رەنگ شیایە بکەتە سەنگەرێ بەرگریکرنێ بدەنگێ خوە وەکو گۆرزەکا مەزن ل ناڤ چاڤێن ستەم ۆ ستەمکارا دایێ ،پیخەمەت بو هندێ بو کو روژەکێ هێشتا ئەو یێ ساخ بچاڤێن خوە ببییت هونەرو کەلتور و زمان و خاکا ڤی وەلاتی نەمینیتن لژێر بن دەستیێ رزگارببیت و بهەناسەیا ئازادیێ و سەرفەرازیێ بژین بەلێ خوش بەختانە بتنێ چارێکەك ژوان هیڤیێ و ئومێدێن دناخێ وی دا بوویە راستیەك بچاڤێن خوە دیت پارچەك ژ وەلاتی وی کوردستان رزگار بوو بدێمەکێ پری بگرنژین بەرامبەری زوبەیا حەژێکەرو گوهداریکرنا سترانا کوردی پشکداری دکومەکا دگێرانا ئاهنگ و کونسێرتێن هونەری دا کریە لسەر دەپێ شانوێ دەستەکێ ئالایێ کوردستانێ دهەژاندو بدەستێ خوەیێ دی دگوتنا سترانێ دا گازی دکرو پێشمەرگە و دارڤانو ئەڤروکە هاتە بیرا من ژکەلهێ هاتمە خوارێ ،
بەلێ یاخوەیایە هێشتا هندەك هیڤیێ و بیرهاتنێن دناڤەروکا سترانێن وی ماینە هەلاویستیێ کەلا گەرما غەریبیێ خوەهاڤێتە دناڤا سینگێ ویدا بەرەڤ وەلاتەکێ دیڤە دچیت تووشی نەخوشیەکا گران دبیت ل وەلاتێ ئەلمانیا ئاکنجیێ دبیت لێ ژ نیشکەکێ تەمارا مرنێ خوە هاڤێتە سەروسیمایێ ڤی دەنگبێژێ نەمر هەمی ئاوازو ستران لێ هشك بوون لروژا ١٩٩٥/٥/٢٥ ێ وەغەرا خوە یا داویێ هەلبژارت خاترا خوە ژ چاندو هونەرێ کوردی خاست پشتی چەند روژەکان دا تەرمێ ژ وەلاتێ ئەلمانیا ڤەگەریایە دگەهیتە هەرێما کوردستانێ دگێرانا رێورسمەرکی ژ هەژی دا ل گوردستانا باژێرێ ئامێدیێ تێتە خاکسپاردن هونەرمەند و دەنگبێژێ نەمر تەحسین پری خودان هونەرەکی مەزن سامانەکی پری بها ل پاش خوە دهێلیت ، بەلێ هەیا خزمەت و خەباتا تەیا هونەری بئەمانەت یێ تێتە پاراستن زوربەیا هونەرمەندێن گەنج و دەنگ خوشێن زەلالێن ڤی وەلاتی هێشتا بەردەوام ئاوازو سترانێن تە لسەر زمان و زاراڤ و هونەرێ وان تێتە گوتن بەردەوامیدان بکاروانێ هونەرێ سترانا کوردی یارەسەن هەڤچەرخ و پێشکەفتی ،،،،،
Comments are closed, but trackbacks and pingbacks are open.