شیرەتکارێ سەرۆک وەزیرێن عیراقێ بۆ کاروبارێن هەلبژارتنان ڕاگەهاند: ئەڤرۆ پشتی نیڤرۆ ئەنجامێن دویماهیێ یێن هەلبژارتنێن پێشوەختێن عیراقێ دێ هێنە ڕاگەهاندن و جیاوازیێن مەزن دگەل ئەنجامێن دەسپێکێ نابن.
حسێن هنداوی شیرەتکارێ سەرۆک وەزیرێن عیراقێ بۆ کاروبارێن هەلبژارتنان ڕاگەهاند: پشتی نیڤرۆیا ئەڤرۆ ڕۆژا ئەینی ئەنجامێن دویماهیێ یێن هەلبژارتنێن پێشوەختێن پەڕلەمانێ عیراقێ دێ هێنە ڕاگەهاندن ڤان ئەنجامان چ جوداهیێن مەزن دگەل ئەنجامێن دەستپێکی نابن و ل وێ باوەرێ مە چەند هژمارەکێن سادە دێ هێنە گوهوڕین و چ گوهوڕینێن مەزن ناهێنە ڕویدان.
هنداوی کو سەرۆکاتییا ئێکەم کۆمیسیۆنا بلندا سەربخۆیا هەڵبژارتنێن ساڵا 2005 ژی کریە، رەت کر چ سەختەکاری د هەڵبژارتنان هاتبنە کرن و گۆت: د ڤان هەلبژارتنان دا ئامیرێن گەلەک پێشکەڤتی هاتبوونە ب کار ئینان و ئامادەکاریێن باش هاتبوونە کرن.
ل سەر تانە و سکاڵایان ژی، هنداوی گۆت: بابەتێ تانە و سکاڵایان تشتەکێ ئاساییە و د هەمی هەلبژارتنان دا دهێنە ڕویدان، نەخاسمە ژی ژ لایێ وان لایەنان ڤە یێن ل وێ باوەرێنە کورسی ژ دەستداینە، لێ کۆمسیۆن ڕژدە ل سەر وێ چەندێ کو پشتا چ لایەنان ل سەر کیسێ لایەنەکێ دی ناگریت.
هنداوی گۆت ژی: پشتی کو ئەڤرۆ ئەنجامێن دویماهیێ دهێنە ڕاگەهاندن، بۆ پەسەندکرنێ بۆ دادگەها بلند یا فیدرال دێ هێنە هنارتن.
Comments are closed, but trackbacks and pingbacks are open.