بڕیارە ئەڤرۆ ڕۆژا پێنجشەمبی، جینین بلاسخارت، نوونەران تایبەتا سكرتێرێ گشتیێ نەتەوێن ئێكگرتی ل عیراقێ كۆمبوونەكێ دگەل سەرۆك و مەزنە بەرپرسێن هژمارەكا حزبێن سیاسیێن هەرێما كوردستانێ ساز بكەت، و هەتا نوكە هیچ لایەنەكی بفەرمی ئەو كۆمبوونە ڕەت نەكرییە.
ل گورەی زانیاریێن هاتینە ئاشكرا كرن، دكۆمبوونێدا كو بڕیارە ل دەمژمێر دوویی پشتی نیڤرۆ ل بارەگەهێ نەتەوێن ئێكگرتی ل هەولێر بهێتە سازكر، پرسا هەلبژاردنێن پەڕلەمانێ كوردستانێ بهێتە گەنگەشەكرن، كو جینین بلاسخارت ئەو پرسە دكۆمبوونا جڤاتا تەناهییا نێڤدەولەتیدا بەحس كربوو، و دووپات كربوو كو هەلبژاردنێن پەڕلەمانی جهێ گرنگی و پووتەدانا جڤاكێ نێڤدەولەتییە.
هەر ل دووف زانیاریێن بەڵاڤبوویین، نوونەرا سكرتێرێ گشتیێ نەتەوێن ئێكگرتی دێ پێشنیار كەت هەلبژاردنێن پەڕلەمانێ كوردستانێ هەڤشێوێ هەلبژاردنێن جڤاتا نوونەرێن عیراقێ بهێنەكرن، ئانكو ببیتە سیستەمێ فرەهـ بازنەیی، و بۆ بسەرخستنا پڕۆسێ ژی نەتەوێن ئێكگرتی دێ ڕاستەوخۆ سەرپەرشتییا ئەنجامدانا هەلبژاردنێن پەڕلەمانی كەت.
Comments are closed, but trackbacks and pingbacks are open.