بریارە ئەڤرۆ رۆژا سێشەمبی دەستەیا سەرۆکایەتیا پەرلەمانێ کوردستانێ کۆمبیت و کار بۆ دەستپێکرنا کۆمبوونێن پەرلەمانی بھێتەکرن، کو ئەڤە بۆدەمێ زێدەتری دو ھەیڤانە کۆمبوون ھاتینە راگرتن.ژێدەرەکی ل پەرلەمانێ کوردستانێ بۆ ئاژانسا خانی دیارکر” ئەڤرۆ دەستەیا سەرۆکایەتیا پەرلەمانێ کوردستانێ دێ کۆمبیت و تێدا بەحسێ دەستپێکرنا کۆمبوونێن پەرلەمانی بھێتەکرن، دووڤداژی دێ دەستەیا سەرۆکایەتیا پەرلەمانی دگەل فڕاکسیۆنێن پەرلەمانی کۆمبیت، ھەتا بگەھنە رێککەڤتنێ بۆ ڤێ چەندێ پەرلەمان بەردەوامیێ بدەتە کۆمبوونێن خۆ.ژێدەری گۆتژی” زێدەتری دو ھەیڤانە پەرلەمانی کوردستانێ نەشیایە کۆمبیت ئەڤەژی لسەر ئاریشا ھەلبژارتنان و کاراکرنا کۆمسیۆنا ھەلبژارتنان، بەلێ ئەگەر فڕاکسیۆن و دەستەیا سەرۆکایەتیا پەرلەمانی بگەھنە رێککەڤتنێ دێ ل رۆژێن داھاتی کۆمبوون ھێتەکرن و بابەتێن بەردەست بکەڤنە ناڤا کارناما کۆمبوونێن پەرلەمانی.
Comments are closed, but trackbacks and pingbacks are open.