ئەڤرۆ ل سنۆرێ دەڤەرداریا مێرگەسۆرێ مینەک ب وەلاتیەکی ڤە پەقی و دەستەکێ خۆ ژ دەست دا.
ل گۆرەی زانیاریێن گاڤ، دو وەلاتیێن گوندێ هیزان کو خەلکێ ناوچەداریا بجیل یا سەر ب دەڤەرداریا ئاکرێ ڤەنە و بۆ کارێ چەڕاندنا پەزی چووینە دەڤەرێن نێزیک سنۆرێ تورکیا ل دەڤەرا مێرگەسۆرێ، د ناڤبەرا دەمژمێر پێنج بۆ شەشی سپیدێ ئێکی ژ وان دو برایان مینەک دیتیە و ب دەستان هەلگرتیە، ئێکسەر مین د دەستێن وی دا پەقی یە و ب گرانی بریندار بوویە، لێ برایێ وی بریندار نەبوویە.
کەسەکی ژ مالباتا وان دو شڤانان بۆ گاڤ نیوز گۆت: ئەو برایێ بریندار نەبووی، برایێ خۆ یێ بریندار هەلگرتیە و هاتیە سەر جادێ و ل ترومبێلەکێ سوار بووینە و چووینە نەخۆشخانا مێرگەسۆرێ، پاشی ژ نەخۆشخانا مێرگەسۆرێ بۆ نەخۆشخانا سۆران هاتینە ڤەگوهاستن، لێ ژبەر دژواریا برینان، چارەسەریا وی ل وێ نەخۆشخانێ ژی نەبوو، لەورا بۆ نەخۆشخانا هەولێرێ هاتیە ڤەگوهاستن.
وی کەسێ بریندار دەستەکێ خۆ ژ دەست دایە و سەروچاڤێن وی ژی بریندارن و نوکە ل نەخۆشخانەیا هەولێرێ ل بن چاڤدێریا نوشدارانە.
Comments are closed, but trackbacks and pingbacks are open.