سەقاناسیا هەرێمێ دیارکر،ل گۆرەی نوترین نەخشێ سەقایی ئەڤرۆ 30 نیاسانا 2022ێ، پێشبینی دهێتەکرن پشتی نیڤا شەڤێ بارانەکا هێدی و عەورێن پرت و بەلاڤ ل هندەک دەڤەران دەستپێبکەن.
رێڤەبەریا سەقا ناسیا هەرێما کوردستانێ راگەهاندنەک بەلاڤکر و دیارکر، پێلەکا عەورا و باران بارینێ دێ قەستا ڤان دەڤەران کەت، ل دەستپێکێ ل رۆژئاڤایی هەرێما کوردستانێ دێ دەستپێکەت و پاشی بۆ رۆژا ئێک شەمبی دێ گەهیتە هەمی دەڤەرێن هەرێمێ.
سەقا ناسیێ راگەهاندیە، پێشبینی دهێتە کرن ل سنووری پارێزگەهێن دهۆک و هەرولێرێ و هندەک دەڤەرێن گەرمیان ل دەمێ ئێڤاری بارنەکا دەم کورت بباریت.
هەر وەسا د راگەهاندنا سەقا ناسیێ دا ئاماژە کریە، لەزاتیا هەوای دێ (15-20) کلم بیت و هندەک جاران دێ چالاک بیت بۆ 30 کلم، جودا ژ ڤێ دێ پێلەکا تۆز بارینێ ناڤەراستا ئیراقێ ڤەگریت و ئەگەر یێ هەی کارتێکرنا سڤک ل سەر هەرێمێ بکەت بتایبەت ژی ل دەڤەرا گەرمیان و باشوورێ هەرێمێ.
سەقاناسیێ ئاشکرا کریە، رۆژا دوو شەمبی دێ ئەسمان نیڤ عەور بیت و ل دەڤەرێن چیای و رۆژهەلاتێ هەرێما کوردستانی دێ ب تمامی عەور بیت دگەل باران بارینا گاڤ ب گاڤ.
Comments are closed, but trackbacks and pingbacks are open.