بەرامبەری وان توندوتیژیێن بەرامبەری خویندكارێن زانكۆ و پەیمانگەهان هاتینە كرن، بافل جەلال تالەبانی پەیامەك بەلاڤ كر و تێدا دبێژیت: ئەو توندوتیژیێن بەرامبەری هژمارەكا خویندكارێن زانكۆ و پەیمانگەهان هاتینە كرن، ئەز گەلەك دلگران كریمە، ژ دل داخوازا لێبۆرینێ ژ كوڕ وكچ و خویشك و برایێن خۆ یێن خویندكار دكەم كو ب ئومێد ڤە پێنگاڤان بەرەڤ پاشەڕۆژەكا گەش دهاڤێژن، یێن كو بۆ نەڤەمرینا چرایێ زانستی و ژین و ژیارا خۆ ل سەر جاددەیان داخوازا مافێن خۆ یێن رەوا دكەن.
بافل تالەبانی د پەیاما خۆ دا دبێژیت: داخوازێ ژ وە دكەم بۆ هەر داخوازییەكێ، ب رێ یێن مەدەنی و شارستانی وێ داخوازیێ بكەن و دویر بكەڤن ژ توندوتیژیێ و شكاندنا یاسایێ، نەهێلن كەسانێن هەلپەرست داخوازیێن وە یێن رەوا بۆ ئارمانجێن خۆ ب كار بلینن، ژ بەركو ئەڤە خزمەتا داخوازیێن وە ناكەت، داخوازێ ژ وە دكەم قەت ڤێ رێ یێ نەهەلبژێرن.
هەروەسا دبێژیت: سۆزێ ددەمە وە كو دێ گوهوڕینێن مەزن كەین بۆ پاشەڕۆژا وە و بجهئینانا داخوازیێن وە و چارەكرنا كێماسییان، ژ نهۆ پاشڤە دێ نێزیكتر دگەل تەخا گەنجان و خویندكاران كار كەین بۆ پاشەڕۆژەكا گەشتر بۆ گەلێ خۆ، بۆ هەر داهێنان و سەركەڤتنەكێ، دێ بەڕەڤانێن بجهئینانا هیڤیێن وە بم.
Comments are closed, but trackbacks and pingbacks are open.