بالیۆزخانەیا تورکیا بریارەکا نوی دەربارەی دانا ڤیزێ ب وەلاتیێن ئیراقی دا و راگەهاند: ڤیزا ئەلکترۆنی ژ نوکە و وێڤە ب ئیراقیان ناهێتە دان.
بەری نوکە تورکیا ڤیزا ژ جۆرێ (S) کو ب ڤیزا ئەلکترۆنی دهێتە ناڤکرن، ب وان ئیراقیان ددا یێن ب مەرەما چارەسەریێ سەرەدانا تورکیا دکر.
بالیۆزخانەیا تورکیا ل بەغدا ئەڤرۆ رۆژا ئەینی 16-7-2021 راگەهاند: ژ نوکە و وێڤە ڤیزا ئەلکترۆنی ب ئیراقیان ناهێتە دان و هەر ئیراقیێ بخوازیت سەرەدانا تورکیا بکەت، پێدڤیە ڤیزێ ژ بالیۆزخانە یان کۆنسولخانەیێن تورکیا وەربگریت.
هەروەسا دیار کریە: ئەو کەسێن بەری نوکە ڤیزەیا ئەلکترۆنی وەرگرتی و دەمێ وێ مای، دشێن ب وێ ڤیزێ بچنە تورکیا، لێ پێشکێشکرن بۆ وی جۆرێ ڤیزێ ب دوماهی هات و ڤیزەیا ئەلکترۆنی نەما.
Comments are closed, but trackbacks and pingbacks are open.