ئەو گرتە ڤیدیۆیێن ژئەمریكا ب ڕێیا كەناڵێن تێلەفزیۆنی و تۆڕێن كۆمەڵایەتی دهێنە بەڵاڤكرن خۆیا دكەن، كو باڕۆڤا پێنج ویلایەتێن ئەمریكا ڤەگرتین هژمارەكا زۆرا ئاڤاهی و خانی و جهێن بازرگانی و گشتی وێران كرینە، شیلمانێن بشێوەیەكێ سەیر هاتینە چەماندن و بادان و داروبارێن ژ ڕهـ و ریشال هاتینە هەلقاندن و بەر و پرت و پاشما دناڤ جاددە و گۆڕەپاناندا بەڵاڤ بوویینە و سمایێن خانی و ئاڤاهیان كرینە هەڕفتە.
ئەو باڕۆڤا لەزاتییا وێ دگەهشتە 300 كیلۆمەتران د دەمژمیڕەكێدا،زێدەتر ژ 100 كوشتیان ل پێنج ویلایەتێن ئەمریكا ل پاش خۆ هێلان، و تنێ ل ویلایەتا كینتاكی 80 كەسا ژئەگەرێ باڕۆڤێ گیانێ خۆ ژدەستدا و هژمارەكا دی هەتا نوكە بێ سەروشووین ماینە و بهزاران كەس هێلانە بێ مال و حال.
حاكمێ ویلایەتا كینیتاكی ڕاگەهاند، هەر تشتەكێ كەتییە پێشییا باڕۆڤێ وێران بوو و زیانێن هاتینە تۆماركرن ب ملیارێن دولارا دهێنە خەملاندن.
ژلایێ خۆڤە سەرۆكێ وەڵاتی جۆبایدن، ئەو روودانە ب تراژیدیا وەسفكر و حالەتێ نە ئاسایی ل وان ویلایەتان ڕاگەهاند یێن كەتینە بەر باڕۆڤێ و بایدن بڕیاردا بۆدجەكێ تایبەت بۆ زیانڤێكەتیێن باڕۆڤێ بهێتە تەرخانكرن.
Comments are closed, but trackbacks and pingbacks are open.