ئیسماعیل موستەفا، بەرپرسێ راگەهاندنا رێڤەبەریا باژێرڤانیا پارێزگەها دهۆکێ بۆ ئاژانسا خانی دیارکرن، پشتی دوماهی هاتنا بانگەشە و هەلبژارتنێن پەرلەمانێ ئیراقێ تا نهاژی بەشەک ژ بەربژاران فلیکس و وێنێن خوە لسەر جادە و شوستەیان نەراکرینە و ئەڤە ل بەرۆڤاژی یاسایێ یە.

ئیسماعیل موستەفا گۆت ژی، باژێرڤانیا دهۆکێ ئاگەهداریەک بۆ بەربژاران و پارتان بەلاڤکریە کو د دەمەکێ نزیکدا ڤان فلیکس و وێنەیان راکەن، ئەگەر نەهێنە راکرن باژێرڤانی دێ ب ڤی ئەرکی رابیت و دێ برە پارەیەکێ ژ بەربژاران وەرگریت وەکی سزایەکێ دارایی.