براندێ جێب یێ ترۆمبێلان درۆستكرنا ئێكەم ترۆمبێلا خوە كو ب هێزا كارەبایی كاردكەت راگەهاند و ل پێشانگەها ترۆمبێلان یا پاریس نمایشكر.
ناڤێ ترۆمبێلا نوی یا جێبێ ” ئەڤێنجەرە ” و ب رێیا بكارئینانا ووزا كارەبێ و بێ پانزین دشێت 400 كیلۆمەتران ببریت. پاترییا ئەڤێنجەرێ 54 كیلۆواتان د دەمژمێرەكێ دا بەرهەم دئینیت بۆ كاركرنا بزوێنەرەكێ 400 ڤۆلتی.
كریستیان میۆنەر، رێڤەبەرێ جێبەجێكار یێ براندێ جێب دیار كر، ترۆمبێلا وان یا نوی دشێت ب 3 خۆلەكان بۆ دویراتییا 30 كیلۆمەتران پاترییێ شەحن بكەت. ئارمانجا ترۆمبێلا ئەڤێنجەر ئەوە ل رێیێن دەرڤە 400 كیلۆمەتران و دناڤ باژێری دا 550 كیلۆمەتران ببریت. هەروەسا نویترین تەكنۆلوژییا سەلامەتییێ د بەرهەمێ وان دا هاتییە بكارئینان.
ئاشكەرا ژی كر، كۆمپانی ب نیازە هەتا سالا 2030ێ هەمی ترۆمبێلێن جێب ل ئەورۆپا ببنە كارەبایی.
براندێ Jeep براندەكێ ئەمریكی یێ كۆمپانییا ستێلانتیسە، ل سالا 1941ێ ب رەنگەكێ فەرمی هاتییە دامەزراندن، ئێكەم ترۆمبێلا چار دەرگەهی بوو كۆ ب هەژمارەكا مەزن بهێنە درۆستكرن.
د نوكە دا ئەو براندە ب نیازە دوو ترۆمبێلێن دی یێن كارەبایی هەتا سالا 2025ێ بێخیتە دناڤ جادێن ئەورۆپا دا.
ل پێشانگەها ترۆمبێلێن پاریس كۆ رۆژا دووشەمبی ب پشكدارییا ئیمانوێل ماكرۆن، سەرۆككۆمارێ فرەنسا هاتبوو ڤەكرن، كریستیان میۆنەر، رێڤەبەرێ جێبەجێكار یێ كۆمپانییێ راگەهاند، ئەڤێنجەر نمونەیەكە ژ وان ترۆمبێلان یێن كۆمپانی ب نیازە درۆست بكەت.
Comments are closed, but trackbacks and pingbacks are open.