میدیایێن ئیراقێ بەلاڤکرینە، سپێدەهییا ئەڤرۆ ئەینی، هەموو پەرلەمانتارێن ڕەوتا سەدر ل سەر داخازا ڕێبەرێ ڕەوتێ ل “حەنانە” ل بارەگایێ موقتەدا سەدر ئامادەبووینە و وان نامەیێن دەست ژ کارکێشانا خوە ژ کارێ پەرلەمانتارییێ ئیمزاکریە و بریارە د ڕۆژێن بهێتدا وان نامەیان پێشکێشی سەرۆکاتییا پەرلەمانێ ئیراقێ بکەن.
دوهی پێنج شەمبی، موقتەدا سەدر ڕێبەرێ ڕەوتا سەدر پەیامەک ئاراستەی پەرلەماتارێن خوە کربوو و تێدا گۆتبوو “نامەیێن دەست ژ کارکێشانا خوە ژ کارێ پەرلەمانتارییا ئیراقێ بەرهەڤبکەن و هەردەمێ من فەرمان ب هەوە کر، وان نامان پێشکێشی سەرۆکاتییا پەرلەمانی بکەن.
سەدر، د هەلبژارتنێن ئۆکتۆبەرا سالا بوری، ل سەر ئاستێ حزبێن ئیراقێ، زۆرترین کورسییێن پەرلەمانی ب دەستڤەئینان، لێ ژ بەر نەبوونا کورسییێن پێدڤی بۆ کۆمبوونا پەرلەمانی، هەتا نوکە حکومەتا نوو یا ئیراقێ نەهاتییە پێکئینان.
Comments are closed, but trackbacks and pingbacks are open.