بریارە کۆمبوونەکا تایبەت ل سەر رەوشا ژیارا کەس و کارێن شەهید و ئەنفالان بهێتە کرن
زێ بادینان .
بڕیارە سوباهی رۆژا چوارشەمبی، بۆ جارا ئێكێ كۆمبوونەكا تایبەت ل سەر رەوشا ژیارا كەس وكارێن شەهید و ئەنفالكریان بهێتە گرێدان و لیژنەیەكا 17 كەسی راپۆرتەك ئامادە كریە و د وێ كۆمبوونێ دا دێ هێتە پێشكێش كرن.
ل سەر وێ كۆمبوونێ رۆژان شەهید حەمەڕەش ئەندامێ لیژنا كاروبارێن شەهیدان و جینۆساید و زیندانیێن سیاسی د پەیڤەكا رۆژنامەڤانی دا گۆت: سوباهی بۆ جارا ئێكێ روینشتنەكا تایبەت ل سەر تاوانێن ئەنفالن دێ ب رێڤە چیت.
وێ پەڕلەمانتارێ گۆت: ل سەر راسپاردەیا سەرۆكاتییا پەڕلەمانی ژی لیژنەیەكا 17 كەسی ژ ئەندامێن هەمی فراكسیۆنان، ب تایبەت ژی نوینەرێن گەرمیان هاتییە پێك ئینان بۆ ڤەكۆلینێ د كێشە و ژین و ژیارا كەس وكارێن شەهید و ئەنفالكریان دا.
ل دویڤ بەرنامێ كارێ پەڕلەمانی ژی، ئەو كۆمبوون سوباهی سەعەت 11 بەری نیڤرۆ دێ هێتە گرێدان.
Comments are closed, but trackbacks and pingbacks are open.