بریتانیا هژماره‌كا بڕیارێن نوى و گران ل دۆر كۆچبه‌رێن قه‌ستا وى وه‌لاتى دكه‌ن ده‌رخستن و كه‌ڤتنه د وارێ بجهئینانێ دا.
ده‌زگه‌هێ لوتكه بۆ كاروبارێن په‌نابه‌ران ده‌قێ هژماره‌كا سزا و بریارێن حكومه‌تا بریتانیا راگه‌هاندن كو ژلایێ كونسۆلخانه‌یا بریتانیا ل هه‌رێما كوردستانێ هاتینه به‌لاڤكرن.
ل گۆره‌ى بریارێن نوى، سزایێ زیندانا هه‌تا هه‌تایێ بۆ قاچاخچیێن بازرگانیكرنێ ب مرۆڤى و كاپتنێن به‌له‌مێن بچووك هاتیه ده‌رخستن، هه‌روه‌سا سزایێ وان كه‌سان هاتیه زێده‌كرن یێن ب رێكا ڤیزایێ دچنه بریتانیا و پشتى تمامبوونا ده‌مێ ڤیزایێ خۆ راده‌ست ناكه‌ن.
ده‌ستهه‌لاته‌كا پتر ب ئالیێن په‌یوه‌ندیدار ژى هاتیه دان، بۆ ڤه‌گه‌ڕاندنا تاوانبارێن بیانى یێن ترسناك. ده‌ستهه‌لاتێن نوى ب ئه‌فسه‌رێن پۆلیسان ژى هاتینه دان داكو ل وان كه‌سان بگه‌ڕن یێن ڤیزایێن وان ته‌مامبووین، هه‌روه‌سا ئه‌و وه‌لاتێن وه‌لاتیێن خۆ وه‌رناگرن یێن ماوه‌یێ ڤیزایێن وان ل بریتانیا تمام بوین، دێ ب سزایێ نه‌دانا ڤیزایێ هێنه سزادان.
كونسۆلخانه‌یا بریتانیا دا زانین ژى، ئه‌ڤ بریار و سزایێن نوى یێن حكومه‌تا بریتانى ژلایێ وه‌زاره‌تا ناڤخۆیا وى وه‌لاتی ڤه كه‌ڤتینه د واری بجهئینانێ دا.
Comments are closed, but trackbacks and pingbacks are open.