وەزیرێ پەروەردێ یێ حکومەتا هەرێما کوردستانێ ژڤانێ بێهنڤەدانا فەرمی یا نیڤا وەرزێ خواندنێ راگەهاند.
ئالان حەمە سەعید ئەڤرۆ د کۆنگرەیەکێ رۆژنامەڤانی دا گۆت: بێهنڤەدانا نیڤا وەزرێ خواندنێ دێ ل رۆژا 25ی ڤێ هەیڤێ پشتی ئەزموونان دەستپێکەت و تا رۆژا 1ی هەیڤا بهێت یا بەردەوام بیت.
هەروەسا گۆت: ل رۆژا 2ی هەیڤا بهێت دێ دەواما قوتابخانەیان دەستپێ کەت، لێ هەردو رۆژێن دەستپێکێ دەواما ئاسایی نابیت و دێ وانەیێن هشیارکرنێ یێن تایبەت ب قوتابیان هێنە دان.
ئالان حەمە سەعید دیار ژی کر، ماموستایێن قوتابخانەیان دێ ل رۆژێن 2 و 3 یێن هەیڤا بهێت بابەتێن هەستێ نەتەوەیی، پاقژی، پاراستنا ژینگەهێ، دویربوون ژ ماددەیێن هشبەر و گەلەک بکارنەئینانا تەکنۆلۆژیایێ بۆ قوتابیان بەحس کەن.
Comments are closed, but trackbacks and pingbacks are open.