پەرلەمانتارەکێ هه‌ڤپه‌یمانییا فه‌تح: دێ فشارێ ئێخینە سەر به‌نكا ناڤه‌ندی داکو بهایێ دۆلاری كێم بكه‌ت
پەرلەمانتارەکێ هه‌ڤپه‌یمانییا فه‌تح د داخۆیانیەکێ دا دیار کرییە، ل روونشتنا بهێت یا جڤاتا نوونەرێن عێراقێ، ئه‌و دێ ئیمزایان بۆ لێپرسینێ ل گه‌ل رێڤه‌به‌رێ به‌نكا ناڤه‌ندییا عێراقێ كۆم كه‌ن.
موختار مه‌وسه‌وی، گۆت ژی: نوكه بزاڤ یێن دهێنه كرن، داکو ئیمزا ل جڤاتا نوونەرێن عێراقێ بهێنه وه‌رگرتن، د روونشتنا بهێت دا، دێ ئیمزا بۆ لێپرسینێ ل گه‌ل رێڤه‌به‌رێ به‌نكا ناڤه‌ندییا عێراقێ هێنه كۆمكرن، ناڤهاتی ئاماژه ب هندێ دایە، هەکە به‌رسڤێن رێڤه‌به‌رێ به‌نكا ناڤه‌ندی ل ئاستێ پێدڤی نه‌بوون، ئەم دێ وی ژكار لاده‌ین.
ناڤهاتی ئەو ژی دیار کرییە: د وێ روونشتنێ دا دێ فشارێ ل سه‌ر بانکا ناڤەندی كه‌ین، داکو بهایێ دۆلاری بۆ 119 هەتا 125 هزار دیناران بۆ هه‌ر 100 دۆلاران بهێته كێمكرن، چونکی نوکە بهایێ دۆلاری ل هەمبەری دینارێ عیراقی گەلەک بلند بوویە.
Comments are closed, but trackbacks and pingbacks are open.