پەیڤدارێ دەستەیا گشتیا گەشت و گوزارا ھەرێمێ دبێژیت : د نھا دا ھاتنا گەشتیاران بۆ سەرجەم پارێزگەھێن ھەرێمێ ئاسایی بوویە و ل بازگەھان چ ئاستەنگ بۆ ناھێنە دروستکرن.
د ماوێ بووری دا و بۆ رۆژێن جەژنێ ب بڕیارا یەکەیێن ئیداریێن پارێزگەھان ڕێ ب چ گەشتیارێن دەرڤە نە دھاتە دان بھێنە ناڤ پارێزگەھێن دھوک و ھەولێرێ داکو سەرەدانا جھێن گەشتیاریێن وان ھەردوو باژێران بکەن .
نادر رۆستی پەیڤدارێ دەستەیا گشتیا گەشت و گوزارا ھەرێمێ د داخۆیانیەکێ دا گووت : د نھا دا ھاتنا گەشتیاران بۆ سەرجەم پارێزگەھێن ھەرێمێ ئاسایی بوویە و رێگری ل ھاتنا چ گەشتیاران ناھێتە کرن و ، لێ دڤێت رێنمایێن خۆ پاراستنێ ژ ڤایرۆسێ کۆرۆنا ل بەر چاڤ بھێنە وەرگرتن.
ناڤبری گووت ژی : بەرھەڤیان بۆ ھاتنا گەشتیاران دکەین بۆ جەژنا قوربانێ و دێ بزاڤێ کەین زۆرترین گەشتیار بھێنە ناڤ ھەرێمێو سەرەدانا جھێن گوزاری بکەن ، چونکە گەشتیاران کاریگەریەکا زۆر ھەیە ل سەر ڤەژاندنا کەرتێ ئابووری.
Comments are closed, but trackbacks and pingbacks are open.