ئه‌ڤرۆ سپێدێ ب 12 مووشه‌كان سه‌ربازگه‌ها توركیا ل زێلكان بوو ئارمانج و تا نوكه زیان دیار نینن، گرۆپێ “ا‌حرار سنجار” ژى به‌رپرساتیا خۆ هەمبه‌رى هێرشێ دیار دكه‌ت.
زه‌نوون یونس، ناوچه‌دارێ باشیكێ بۆ گاڤ نیوز گۆت: ئه‌ڤرۆ سپێدێ ده‌مژمێر 3:30 خۆله‌ك ب 12 مووشه‌كان هێرشى سه‌ربازگه‌ها زیلكان هاتیه كرن و تا نوكه چ زیان دیار نینن، هه‌روه‌سا ئاشكراكر ژى، پتریا مووشه‌كان ب ره‌خودۆرێن سه‌ربازگه‌هێ كه‌ڤتینه و ئه‌و سنۆر ژى چوول بوویه.
ناوچه‌دارى ئاماژه دا كو جهێ ئاراسته‌كرنا وان مووشه‌كان دیار نینه و ده‌م بۆ ده‌مى ئه‌و هێرش دهێنه كرن و جاران زیان هه‌نه.
پشتى هێرشێ گرۆپه‌كى ل تۆڕێن جڤاكى كو خۆ ب “ا‌حرار سنجار” ناڤكریه، به‌یانه‌ك به‌لاڤكر و تێدا به‌رپرساتیا خۆ همبه‌رى هێرشێ دیاركریه و ئه‌گه‌ر ژى ڤه‌گه‌ڕاندیه كو حكومه‌تا ئیراقێ ل دۆر هێرشێن شنگالێ بێ ده‌نگه و ئه‌و رابووینه ب مووشه‌كبارانكرنا بنگه‌هێ زێلكان.
Comments are closed, but trackbacks and pingbacks are open.