بهایێ پەترۆلێ د بلند بوونێدایە

ل گەل ڤەکرنا بازارێن جیهانێ یێن پەترۆلێ ئەڤرۆ سپێدێ، بهایێ پەترۆلێ ب رێژەیەکا مەزن بلندبوون و پتری 4 دۆلاران ژ بهایێ ئێک بەرمیل زێدە بوون.

ئەڤرۆ سپێدێ بهایێ بەرمیلەکا پەترۆلا برێنت گەهشتە 111.5 دۆلاران، هەروەسا بهایێ بەرمیلەکا پەترۆلا تێکساس ژی گەهشتە 108.3 دۆلاران.

د دو رۆژێن بووری دا بهایێ پەترۆلێ ل سەر 107 دۆلاران جێگیر ببوو، لێ دوبارە دەست ب بلندبوونێ کر.

ئەڤسالە بهایێ پەترۆلێ گەشتبوو بلندترین ئاست د 9 سالێن بووری دا، ل دەستپێکا ڤێ هەیڤێ گەهشتبوو 131 دۆلاران و پێشبینی دهێتە کرن دوبارە ب گەهیتە وی بهایی.