روژناما موندو دیپورتیڤو یا ئسپانی به‌لاف كریه، یانا به‌رشه‌لونا پێنگاڤه‌كا دیتر نزیك بویه ژ بده‌ستڤه‌ئینانا شیانێت رافینیای یاریكه‌رێ لیدز یونایتد پشتی كو یانا وی ددوماهی یاری دا به‌رامبه‌ر ئه‌رسنال ل پریمه‌رلیگ تووشی خوساره‌تیێ بوی و نزیكه پاشڤه بزڤریته خولا پله ئێك یا ئنگلته‌را
وێ روژنامێ ئاشكه‌را كریه: چاڤێن به‌رشه‌لونا لسه‌ر شیانێت رافینیای نه داكول ئه‌گه‌رێ چوونا دێمبلی ژ كامپ نو بكه‌ته جهگرێ وی، گه‌شبینیا به‌رشه‌لونا بو ڤه‌گوهاستنا یاریكه‌ری به‌رازیلی بو كامپ نو ژبه‌ر هه‌بوونا برگه‌یه‌كێ د گرێبه‌ستا رافینیای دا كو ئه‌وژی رێكێ پێ دده‌ت ل ئه‌گه‌رێ داكه‌فتنا یانا وی بو خولا پله ئێك به‌رامبه‌ر 25 ملیون یورویا ژ لیدز بچیت، ڤێ چه‌ندێ ژی كارئاسانی بو بلوگرانا كریه شیانێت وی بده‌ستڤه بینیت
لیدز یونایتد ل ڤی وه‌رزی پریمه‌رلیگ ئاستێ وێ وه‌ك پێتڤی نینه و پشتی 35 حه‌فتیان خودانا 43 خالانه و ل رێزا 18ێ یا رێزبه‌ندیێ یه، ئه‌ڤه ژی هێلا سوره بۆ یانێ و ئه‌گه‌ر هه‌یه داكه‌ڤیت ژبه‌ركو بتنێ سێ یاری لبه‌ر سنگی ماینه بو دیاركرنا چاره‌نڤێسێ وێ یێ مانێ ل پریمه‌رلیگ كو ئه‌وژی به‌رامبه‌ر یانێن چێلسی و برایتون و برینتفورده.
Comments are closed, but trackbacks and pingbacks are open.