به‌رپرسێ نڤێسینگه‌ها په‌یوه‌ندیێن ده‌رڤه یا حكومه‌تا هه‌رێما كوردستانێ، راگه‌هاندنه‌ك ده‌رباره‌یى هێرشكرنا سه‌ر خێزانه‌كا كوردى یا خه‌لكێ هه‌ولێرێ ل باژاره‌كێ توركیا به‌لاڤكر و راگه‌هاند، ب تووندى روودانێ شه‌مزار دكه‌ن.
سه‌فین دزه‌یى، به‌پرسێ نڤێسینگه‌ها په‌یوه‌ندیێن ده‌رڤه د فه‌یسبووكێ خوه دا راگه‌هاند، ئه‌و ب توندى روودانێ شه‌مزار دكه‌ن، ب مخابنى ڤه ئه‌و خێزانا ده‌ستدرێژییا نه‌مرۆڤایه‌تى ل سه‌ر هاتییه كرن، ب تایبه‌ت كو زارۆك و خانما مالباتێ ل وى جهى بوون، نوكه ژى په‌رێن ڤه‌كۆلینێ هاتینه ڤه‌كرن و ل دووڤ زانیارییان سێ كه‌س هاتینه ده‌سته‌سه‌ركرن.
ده‌رباره‌یى ره‌وشا ساخله‌مییا وان وه‌لاتیێن هێرش ل سه‌ر هاتییه كرن، سه‌فین دزه‌یى گۆت: وان په‌یوه‌ندى پێ كرییه و سوپاس بۆ خودێ ره‌وشا وان یا ساخله‌میێ یا جێگیره.
به‌رپرسێ نڤێسینگه‌ها په‌یوه‌ندیێن ده‌رڤه ئاشكرا كر، په‌یوه‌ندى ب كونسلێ توركیا ل هه‌ولێرێ كرییه و نه‌رازیبوونا خوه گه‌هاندیێ،هیڤی ژی خواستن به‌رپرسێن توركیا ب دروستى بریارىێ بده‌ن.
Comments are closed, but trackbacks and pingbacks are open.