بسپۆرەکێ ئابووریێ عیراقێ ئاشکەرا دکەت ، کو قەبارێ بودجا سالا ٢٠٢٢ێ یا عیراقێ ب ٩٠ ملیار دۆلاران دێ بڕیار ل سەر ھێتە دان و دبێژیت ژی : خەرجیێن سالانەیێن حکومەتا عیراقێ دگەھیتە نێزیکی ١٣٠ ترلیۆن دیناران.
سەفوان قوسەی بسپۆرێ ئابوریێ عیراقی د داخۆیانیەکا رۆژنامەڤانی دا گووت : د بودجا ٢٠٢٢ێ دا بھایێ بەرمیلەکا پەترۆلێ د ناڤبەرا ٥٠ ھەتا ٦٥ دۆلاران دھێتە ھژمارتن ، ب ڤێ چەندێ ژی قەبارێ بودجێ دێ ب نێزیکی ٩٠ ملیار دۆلاران بڕیار ل سەر ھێتە دان.
ل گور گووتنێن قوەی ، خەرجیێن سالانەیێن حکومەتێ دگەھنە ١٣٠ ترلیۆن دیناران ، لێ ئەگەر بھێت و حکومەتا داھاتی سەرکەفتی بیت د ڤەدیتنا دەرگەھەکی بۆ پشتەڤانیکرنا دیناریا عیراقی ، چ ب ڕێیا ڤەگەڕاندنا وی پارەی بیت کو بۆ قەرەبووکرنا شەڕێ کوەیتێ ھاتیە تەرخان کرن ، یان ژی دانانا باجا راستەوخۆ ل سەر داھاتێ گشتیێ فەرمانبەران .
وی بسپۆرێ ئابووریێ عیراقی ب دویر زانی جارەکا دی بھایێ دینارا عیراقی بڤەگەڕیتە بھایێ خۆ یێ جاران ، لێ پێشبینیکر ، کو ڕەنگە بھایێ دیناری ١٣٤٠ بەرامبەر دۆلارەکی بھێتە دیاریکرن ، ئەڤە ژی ئەگەر بھێت حکومەت بشێن خەرجیێن گشتی کێم بکەت .
Comments are closed, but trackbacks and pingbacks are open.