دەزگەهێ مێدیایێ زێ بادینان:
شەڤا دەربازبووی لسەر رێیا چەمەی بوویەرەکا هاتن و چوونێ دروستبوویە ب وی سەدەمی سێ کەسان ژیانا خۆ ژ دەستدا و حەفت کەس ژی برینداربووینە.
نووچەگەهانێ ئێن ئاڕ تی ڕاگەهال شەڤا دەربازبووی بوویەرەکا هاتن و چوونێ ل سەر پرا چەمەی، کو دکەڤیتە سەر رێیا سەرەکیا دهۆک- هەولێر، دناڤبەرا دوو ترۆمبێلان دا ژ جورێ تویوتا کورولا- فورد موستانگ روویدایە.
ئاماژە ب وێیەکێ کر، ب وی سەدەمی ١٠ کەس بووینە قوربانی، کو سێ ژ ئەندامێن ئێک خێزان ژیانا خۆ ژدەستدا و حەفت کەسێن دی برینداربووینە.
بەحسا وێیەکێ ژی کر، شەشە ژ وانا ل نەخۆشخانەیا گولانن ل ئاکرێ لێ رەوشا ئێک ژ برینداران نەباشە و رەوانەی نەخۆشخانەیا هەروارهاتنێ ل پارێزگەها دهۆکێ هاتیە کرن.
شاهد حالەکی بۆ ئێن ئاڕ تی گ سەدەمێن ڤێ بوویەرێ بۆ وێیەکێ دزڤرن کو دوو ترۆمبێلان پێشبرکی کریە، و پشترا لسەر جادێ راوەستیاینە و شەڕەدەڤ کریە و موستانگ هاتیە ل تویوتا کورولایێ دایە.
ئەڤە ددەمەکیدایە، بەریا سێ رۆژان بوویەرەکا هاتن و چوونێ ل گوندێ گردە پانێ کو ب وی سەدەمی شەش کەسان ژیانا خۆ ژ دەستدا و ژ تەڤایا ئەندامێن مالباتەکێ بتنێ کچەکا ١٣ سالی د ژیانێ دا مایە.
Comments are closed, but trackbacks and pingbacks are open.