بڕیارە سوبەهی پێنجشەمبی پەرلەمانێ کوردستانێ دەست ب کۆمبوونێن خۆ بکەت و ئەندامەکا لژنا قانوونی ژی ئاشکرا کر، ھژمارەکا پڕۆژە قانوون و یاداشتان ھاتینە بەرھەڤکرن و دێ کەڤنە ناڤا کارنامێن کۆمبوونێن پەرلەمانی.
رۆژان سلێڤانەیی، ئەنداما لژنا قانوونی ل پەرلەمانێ کوردستانێ بۆ ئاژانسا خانی دیارکر” لژنا قانوونی بەرھەڤی بۆ دەستپێکرنا کۆمبوونێن پەرلەمانی کرینە و بڕیارە ھەموو ئەو پڕۆژە قانوون و پێشنیار و یاداشتێن ھاتینە بەرھەڤکرن کار ل سەر بھێتە کرن و بکەڤنە ناڤا کارناما کۆمبوونێن داھاتی یێن پەرلەمانێ کوردستانێ، کو زۆربەیا وان د گرنگن بۆ خەلکێ ھەرێما کوردستانێ.
رۆژان سلێڤانەیی گۆت ژی” ھەتا نوکە زێدەتر ٢٠ پڕۆژە قانوون و ٣٠ یاداشت ھاتینە بەرھەڤکرن، چەند ھەیڤەک ژ ژییێ ڤێ خۆلا پەرلەمانی ماینە و پێدڤییە پەرلەمان لەزێ بکەت بۆ ڤەخواندن و پەسەندکرنا وان، حەفتیا بوری پشتی بڕیارا دەستپێکرنا کۆمبوونێن پەرلەمانی ھاتییە دەرکرن لژنا قانوونی بەرھەڤی کرینە ل سەر ڤان پڕۆژە قانوون و یاداشتان.
Comments are closed, but trackbacks and pingbacks are open.