بڕیارە وەزارەتا بەڕەڤانییا ئەمریكا هێزەكا شەڕكەر ڕەوانەی عیراقێ بكەت و ئەو هێزە دێ ل چەند دەڤەرێن عیراقێ و هەرێما كوردستانێ هێنە جهگیركرن.
ژێدەرەكی ژ وەزارەتا بەڕەڤانییا ئەمریكا (پنتاگۆن) ئاشكرا كر، بڕیار هاتییەدان سوپایێ ئەمریكا فرقا سترایكەر كو ژ هزار و 800 سەربازان پێكدهێت ڕەوانەی عیراقێ بكەت و جهێ فرقا 256 یا پیادە بگریت، و ل گورەی زانیاریێن وی ژێدەری ئاشكرا كرین، هێزا شەڕكەرا سترایكەر دێ ل بنگەهێن سەربازیێن ئەمریكا ل فرشۆكخانا نێڤدەولەتییا هەولێر و بنگەهێ عەین ئەسەد هێتە جهگیركرن.
ئەڤ پێنگاڤا سوپایێ ئەمریكا یا هەڤدەمە دگەل زێدەبوونا هێڕشێن گروپێن چەكدار و میلیشیاتێن عیراقێ بۆ سەر بنگەهێن ئەمریكا و پڕانیا وان هێڕشان ب ڕێیا فڕۆكێن بێفڕۆكەڤان دهێنە ئەنجامدان.
Comments are closed, but trackbacks and pingbacks are open.