بۆچی ڕیفڕاندوما كوردستانێ …..!

بۆچی ڕیفڕاندوما كوردستانێ …..!
بێوارحسێن زێباری، هه‌ولێر:
مه‌ دڤێت ڕاوه‌ستاندنه‌كێ بكه‌ین بۆ سه‌ربه‌خۆیا كوردستانێ، بۆچی هه‌تا نوكه‌ پتریا میلله‌تێن جیهانێ خودان دۆزا خویا ڕه‌و و ده‌وله‌تن و كورد مانه‌ بێ ده‌وله‌ت، دیسان ژی پارچه‌ پارچه‌بووینه‌ ژی دناڤا ملله‌تێن جیهانێدا. ئەڤە دڤێت کورد ژی ل سەر هەبوونا خۆ ئێک دەنگ بن .
بەلێ یا خۆیایه‌ كو ل ڕۆژا 25 ێ ئیلۆنا سالا 2017 ێ پڕانیا خه‌لكێ كوردستانێ د ڕاپرسیه‌كا ئازاد و دیموكراسى دا ب ده‌نگێ به‌لێ بۆ سه‌رخۆبوونا كوردستانێ ده‌نگ دا كو ئه‌ڤه‌ دبیته‌ مه‌زنترین كارتا فشارێ بۆ كوردان ئه‌گه‌ر ئه‌و ژی ئێك ده‌نگ و هه‌ڵویست بن ل سه‌ر دۆزا ڕه‌وایا كوردی. به‌لێ ل وی ده‌میدا و تا نوكه‌ ژی هنده‌ك ژ لایه‌نێن سیاسی، بووینه‌ ڕێگر ل هه‌مبه‌رێ وێ ڕاپرسیێ ، به‌لێ دناڤا جڤاكی مه‌ دا كو كه‌س پشته‌ڤانێ وان لایه‌نان نیه‌ و ئه‌و ژی دخازن خۆ دوویر بكه‌ن ژ وێ كارێ گرنگ یێ كوردان ئه‌نجامدایی بۆ پاشه‌ڕۆژێ و
ڕه‌نگه‌ بۆ وه‌ڵاتێن خۆدان سه‌روه‌رى و نه‌ته‌وه‌ و ملله‌تێن دناڤ جڤاكێن پێشكه‌فتى دا ئه‌نجامدانا ڕاپرسیا سه‌رخۆبوونێ پرۆسه‌یه‌كا نۆرمال بیت، لێ بۆ جڤاك و خه‌لكێ كوردستانێ ئه‌نجامدانا وێ ڕاپرسیێ شۆڕه‌ش و هه‌ڵویسته‌كێ نشتیمانى و نه‌ته‌وه‌یى بوو و گرنگیا خۆ هەیە و دڤێت خەلک ژی ڤێ چەندێ باش بزان، چونكی د ڤێ قوناغێدا كوردان پتریا هه‌رتشته‌كێ پێدڤییا هه‌ی ب هه‌بوونا وه‌لاته‌ك دیموكراسی و نیشتمانی و ئه‌و چه‌نده‌ ژی بوویه‌ ده‌نگ و ڕه‌نگێ كوردان. دهێته‌ زانین ژی كو هه‌رێما كوردستانێ خودان تایبه‌تمه‌ندیەک هەیه‌ ژلایێ جوگرافى و سیاسى و جڤاكى و خه‌لكێ وێ بخۆ ژی ئه‌ڤ چه‌نده‌ها هه‌نێ دڤێت و ببن خودان دۆزه‌ك و بن ده‌ست نه‌بیت زێده‌تر و ڕاسته‌ باشوورێ كوردستانێ ئازادایه‌ك باشتر ب سایه‌یا سه‌رۆك بارزانی هه‌یه‌ دگه‌ل جهێن دیتر یێن كوردان .
یا خویایه‌ كو ئەڤێ چه‌ندا هه‌نێ ئارمانجه‌كه‌ پشتى عیراقا نوو ب ده‌ستڤه‌ هات و هه‌رێما كوردستانێ بوویه‌ هه‌رێمه‌كا ده‌ستوورى و دانپێدانكرى د عیراقا فیدرال دا، لێ پشتى ڕابوونه‌ڤا ده‌ستهه‌لاتداریا ئیراقێ، ده‌وله‌تا ئیراقێ هه‌تا ڕاده‌یه‌كێ زۆر مافێن هه‌رێما كوردستانێ یێن ده‌ستوورى بنپێكرن،و هه‌تا نوكه‌ ژی ڕۆژ ب ڕۆژ دێ هه‌جه‌ته‌كی گرن وه‌كی مه‌سه‌لا( بیك و خه‌سۆیی) لێهاتی و هه‌جه‌تێن وان یێ بێ ڕامان زێده‌دبن و بێ كو هزر هندێ دا بكه‌ن كوردان ی مافه‌كێ ده‌ستووری و یاسایی هه‌یه‌ د ڤێ ئاخێ دا. له‌وما خه‌لكێ كوردستانێ نه‌چار بوو ب وێره‌كانه‌ و ئاشكرا بریارێ ل سه‌ر ئارمانجا خۆ یا چه‌ندین ساڵى بده‌ت، ئه‌و ژى سه‌رخۆبوونا كوردستانێ یه‌. ئه‌گه‌ر بچییه‌ د ناڤا خه‌لكیدا ژی پرسیار بكه‌ی، پتریا خه‌لكی د نوكه‌ دا نه‌یێ په‌شیمانه‌ ب ڤی كاری و دبێژیت ئه‌ڤ ڕۆژا خۆش دووباره‌ نابیت ڤه‌ .
كو ڕاپرسیا شۆڕه‌ش و هه‌ڵویست بوو ئەڤ هەڵویستبوونە ژی زۆرا گرنگە، چونكى ل سه‌ر ئاستێن نیڤده‌وله‌تى و هه‌رێمایه‌تى و عیراقى و هه‌تا ڕاده‌یه‌كى كوردستانى ژى د ژی ئه‌نجامدانا ڤێ ڕاپرسیێ كر، لێ خه‌لكێ كوردستانێ ب ڕێژه‌یا ( 92 % ) پشت به‌ستن ب مافێ خۆ یێ ڕه‌وا و ڕێنمایى و ئامۆژگاریێن جه‌نابێ سه‌رۆك مه‌سعوود بارزانى داكۆكى ل سه‌ر هه‌ولا بده‌ست ئینانا مافێ سه‌رخۆبوونێ كر و ب وێره‌كانه‌ ده‌نگێ خۆ گه‌هانده‌ جیهانێ. هەتا نوکە ژی شانازیی پێ دبەن.
ئه‌گه‌ر سه‌حكه‌یی وه‌كی مه‌ ل ده‌ستپێكێ ژی دیاركری كو ئه‌ڤ ڕۆژه‌ یا بوویه‌ ڕؤژه‌ك دیرۆكی و هه‌یا نها خه‌لكێ مه‌ ژی فه‌خڕۆ شانازیێ پێ دبه‌ت، ئه‌ڤه‌ ژی ب سه‌ر په‌رشتیا سه‌رۆكێ بارزانی بوویه‌ و كورد بوونه‌ خودان كارته‌كا گرنگ د ڕوودانێت سیاسی و ده‌ستووری ژی كو هه‌رده‌ما ده‌مێ وێ هات ب ئوتۆماتیك ئه‌و كارته‌ ژی دكه‌ڤیته‌ كاری و كارێ خۆ یێ پیرۆز ئه‌نجامده‌ت، كوردان و خه‌لكێ مه‌ هه‌مییا ئه‌ڤ چه‌نده‌ دڤییا و هه‌یا نها ژی پتریا وه‌لاتێن جیهانێ ئه‌ڤ جۆره‌ ڕاپرسییه‌ هاتینه‌ ئه‌نجامدان و نه‌ك تنێ دناڤا مه‌ دا بوویه‌ كو بێژین كاره‌ك نه‌ ڕاست و ردوست بوویه‌، لێ گه‌لێن جیهانێ بخۆ ئه‌ڤ چه‌نده‌ ڤییایه‌ و دبیت ب نهێنی پشته‌ڤان ببن، بێگومان هه‌تا مرۆڤ د مالدا كاره‌كێ ئه‌نجامبده‌ت دبیت نه‌یار و نه‌حه‌زێن خۆ هه‌بن ، پا چه‌وا ملله‌ته‌ك كاره‌كێ گرنگ و دیرۆكی ئه‌نجامبده‌ت چ نه‌یار نه‌بن. ئه‌ڤه‌ بوویه‌ به‌لگه‌ كو سه‌رۆك بارزانی تنێ خزمه‌تكرنا ملله‌ت و وه‌ڵاتێ خۆ دڤێــــت و نه‌ چ پله‌ و پایه‌ و مه‌ره‌مێن دیتر .
سلاڤ ل ڤێ بیرهاتنا مه‌زن و دیرۆكى بۆ كوردا هه‌ینه‌….