زێ بادینان .
بۆ ئێکەم جار ل ٢٧ی ڤێ مەهێ دێ پێشانگەها گەشتیاری ل دهۆکێ هێتە ڤەکرن و ل حەفت مەهێن دەربازبووی ٣٠٠ هزار گەشتیاران سەرەدانا پارێزگەها دهۆکێ کریە.
رێڤەبەرێ گشتیێ گەشتوگۆزارێ ل پارێزگەها دهۆکێ ڕاگەهاند،ل ٢٧ی ڤێ مەهێ دێ پێشانگەها گەشتیاری ل پارێزگەها دهۆکێ هێتە ڤەکرن و دێ بۆ دەمێ سێ رۆژان یا بەردەوام بیت.
بەحسا وێیەکێ ژی کر، کو دێ گەلەک پێکهاتەیێن هەرێما کوردستانێ ژ دەڤەرێن جودا پشکداری ڤی پێشانگەهێ بن، هەڤدەم، تیپن هونەری یێن ملی ژی دێ پشکداربن.
دەربارە هاتنا گەشتیاران ژی دبێژیت، ل حەفت مەهێن دەربازبووی ٣٠٠ هزار گەشتیاران سەرەدانا پارێزگەها دهۆکێ کریە، ژ وێ رێژەیێ ژی پترین رێژەیا گەشتیاران د مەها حەفت دابوو کو ٦٠ هزار گەشتیار بوون.
ئاماژە ب وێیەکێ ژی کر، کو ل پارێزگەها دهۆکێ پێنج جورێن گەشتیاری هەنە ژ وانا، جێهن سروشتی و جهێن دیرۆکی و شینواری، جهێن ئاینی، جهێن کۆمەلایەتی و جهێن نوی وەک پرەکا نوی یان مزگەفتەکا سەرنجڕاکێش بیت.
ئەڤە ددەمەکیدایە، ل دەمێ پەیدابوونا ڤایرۆسێ کۆرۆنایێ پتریا لڤینێن بازرگانی و گەشتیاری و پێشەسازی هاتبوونە راوەستاندن و نها هێدی هێدی ژیان یا ئاسایی دبیت و لڤین دکەڤنە هەمی کەرتێن ژیانێ.
Comments are closed, but trackbacks and pingbacks are open.