نەوزاد كامل، ڕێڤەبەرێ گشتیێ بازرگانی ل وەزارتا بازرگانی و پیشەسازییا هەرێما كوردستانێ ڕاگەهاند، هەتا نوكە 213 هزار و 123 تەننێن گەنمێ جوتیاران ل سەرجەم سایلۆیێن هەرێمێ هاتین وەرگرتن و پڕۆسا وەرگرتنا گەنمی یا بەردەوامە، و ڕێڤەبەرێ گشتیێ بازرگانی ئاشكراكر كو ل دەمەكێ نێزیك دێ شایستەیێن دارایێن جوتیاران هێنە دابەشكرن.
د ڕاگەهاندنەكێدا، نەوزاد كامل، ڕێڤەبەرێ گشتیێ بازرگانی خۆیاكر، هەتا نوكە 98 هزار و 970 تەننێن گەنمی ل سایلۆیێن سلێمانیێ و گەرمیان و ڕاپەرین هاتینە وەرگرتن، و 70 هزار و 821 تەن ل سایلۆیێن هەولێر و 43 هزار و 342 تەننێن گەنمێ جوتیارێن دەڤەرێ ل سایلۆیێن فەیدیێ و شێخان و زاخۆ هاتینە وەرگرتن و نەوزاد كامل داخواز ژ جوتیاران كر ب زووترین دەم گەنمێ بەردەست ڕادەستی سایلۆیان بكەن، و دووپاتكر كو ل دەمەكێ نێزیك دێ پارێ گەنمێ ئەڤ ساڵە یێ جوتیاران هێتە دابەشكرن.
ل گورەی گوتنا ڕێڤەبەرێ گشتیێ بازرگانی، كوژمێ 32 ملیار و 600 ملیۆن دیناران بۆ جوتیارێن هەردوو پارێزگەهێن سلێمانیێ و هەڵەبجە هاتییە ترخانكرن، و بۆ جوتیارێن هەولێر كوژمێ 22 ملیار دیناران و پارێ جوتیارێن پارێزگەها دهوك ژی 14 ملیار دینارن.
Comments are closed, but trackbacks and pingbacks are open.