بۆ چارەسەکرنا ئاریشا چەمێن مەترسیا هشکبوونێ ل سەر بزاڤ د بەردەوامن
ژ بەر هشکە سالیێ و نەهاتنا بارانان مەترسیا هشکبوونێ ل سەر چەمێ گوندێ بەرچی یێ سەر ب ناحیا دێرەلۆک ل قەزا ئامێدیێ هەیە بتایبەت زەڤیێن برنجی و هوبا چاندنا دێرەلۆک ژی دبێژیت مە بزاڤ کرینە ب چ رێیا هەبیت ئاریشا وان چارەسەر بکەن.
ئەندازیار عسمەت ئیبراهیم بەرپرسێ هوبا چاندنا دێرەلۆک بو ئەڤرۆ نیوز دیارکر، دورێن 25 دونەمێن ئەردی بو چاندنا برنجی ل گوندێ بەرچی هاتینە بکار ئینان و گۆت : ئەڤ سالە ژ بەر هشکە سالیێ و نەهاتنا بارانا مەترسیا هشک بوونێ ل سەر هەیە و دیار کر، ئەو سالێن باران کێم دباریت ئاڤا چەمێ گوندێ بەرچی کێم دبیت و کانی هشک دبن و ژ بەر وێ یەکی ئاڤ کێم دگەهیتە چەمی.
و گۆت: ژ بو نێزیک ئاگەهدار بوون لسەر وێ ئاریشێ مە سەرەدانا وی چەمی کریە، ژ بو چارەسکرنێ ژی، وان پێشنیارێن خوە بو لایەنیێن پەیوەندار بلنکرینە وەک چێکرنا برکەکا ئاڤێ یا مەزن بو کومکرنا ئاڤێ و نووژەنکرنا جویێ .
و تەکەز ژی ئەو دێ هەموو شیانێن خوە دەنە کاری بو وێ یەکی زەڤیێن ڤان جوتیاران ژهشک بوونێ بهێنە رزگارکرن و زەحمەتا وان ب هەروە نەچیت.
Comments are closed, but trackbacks and pingbacks are open.