ئەگەر تە دڤێت وێنەیەکی دگەل ئۆشا ساکوری وەزیرێ گەشت و گوزار و رەوشەنبیری ل ویلایەتا مادیا ل هندستانێ بگری پێتڤیە ١٠٠ رۆبییا بدەی.
ئەڤ نووچەیە رەنگە ببیتە جهێ سەرنجێ بۆ کەسەکی کو ئێکەمجار گۆهلێببیت، لێ د راستیێ دا ئەو وەزیرێ هندی ڕاگەهاندیە هەر کەسەکێ بڤێت وێنەیەکی دگەلدا بگریت د هەمبەردا پێتڤیە ١٠٠ رۆبییان بدەتێ.
ل گورەی رۆپەلێ “تایمز ئۆف ئیندیا” ئۆشا ساکور گوتیە ئەو پارە ڤەدگەرنە خزینا حزبا وی و وی وەزیرێ گوتیە “سێلفی گرتنێ دەمەکێ زێدە دڤێت حەتا هندەک جاران ئەگەر هەیە ببیتە سەدەمێ گیروبوونا وی ژ کاری”.
بەریا نها ڕاگەهاندنێن وی وەزیری دەنگڤەدانێن زێدە هەبوون و ل ڤان داویان د نووچەیەکی دا دەرکەفتیە بێی ماسک و گوتیە ئەو پێتڤی ب ماسک گرێدانی نینە ژبەرکو هەمی رۆژان نڤێژان دکەت
Comments are closed, but trackbacks and pingbacks are open.