بیرەوەریا (۱٤) مین سال رۆژ ڤەگەرا وەغەرکرنا شەهیدێ سەرکردە و قەهرەمان “حجی فتاح گوللی”

بیرەوەریا (۱٤) مین سال روژ ڤەگەرا وەغەرکرنا شەهیدێ سەرکردە و قەهرەمان ( حجی فتاح گوللی) و جهێ شەهیدی بەهەشت بیت .
کورتیەك ژ ( ژیان ناما شورەش و خەباتا پێشمەرگاتیا شەهیدێ سەرکردە و قەهرەمان ( حجی فتاح گوللی ) ناڤێ وی یێ دورست (ئەبابەكر عوسمان محمد عمر مستەفا) یە و ناسيار ب « حجی فتاح گوللى»٬ ل سالا1943ل باتيفا ژدايك بوويه.
1951-1957خواندنا سەرەتايى ل باتيفا بدووماهيك ئيناية.
1957-1959خواندنا ناوەندى ل زاخۆ بدۆماهيك ئينایه .
1959چوويه دناڤ رێزێن ئێكەتيا قوتابیێن كوردستانێ دا و رێكخستنا نهێنى يا پارتى ديموكراتى كوردستان دا.
1961 پەيوەندى ب شوەشا ئەيلولێ كريه ل باتيفا.
1964وەك كادر ل بەتاليونا على هالوى كاركريه
1968 چويە هێزا هەلگورد دا و بويه بەرپرسێ ئيدارێ یێ هێزا هه لگورد.
1975ئاوارەى ئيرانێ بويه.
1977-1979 پەيوندى ب سەركردايەتيا بەروەخت كريه.
1979بوویه بەرپرسێ لیژنا زاخۆ .
َ 1982- 1984 بەرپرسێ لیژنا دهوك و سەرپەرشتێ لەشکەری و چەندین داستان ل ژێر سەرپەرشتیا وی هاتینه تومارکرن مینا داستانا گوندێ بەرێ بهار و شەرێ بانا گوندێ ئەلندکا و شەرێ دەشتا شاوریکێ.
1985 لیژنا ئامێدیێ.
1986لیژنا دهوك
1987لیژنا شێخان
1988به رپرسێ لەقا ئێك ب وەكالةت .
1991 بەرپرسێ ميحوەرێ لەشکەرێ دهوك –سێمێل .
1991 بەرپرسێ بەرەیێ كوردستانێ .
1992بەرپرسێ لەشکەرێ ئێک ل دەڤەرا زاخو.
1993 بوو كارگێرێ لەقا ئێَك و بەرپرسێ لەشكەرى .
1995بوویه بەرپرسێ زێرەڤانیێ ل دهوكێ ومايه وەك كارگێرێ لەقا ئێک.
16تەباخا سالا 1996ب مەداليا بارزانى هاتيه خەلاتكرن.
سالا ۱۹۹۷ێ ، هه ر بوویه بەرپرسێ هێزا زاخۆ و بۆ ماوەیەکێ بارەگایێ وی دهێته باتیفا و قوتابخانا ناڤنچیا باتیفا ئەوا ل نێزیکی بەنکا باتیفا بوویه بارەگایی وی…
1998بوویه بەرپرسێ زێرەڤانيا4 ل زاخۆ و مايه وەك كارگێرێ لەقا ئێک.
2001 پشتى دامەزراندنا لەقا هەشت ل زاخۆ بوويه جێگرێ لەقا هەشت.
دماوێ کارێ خۆەدا ، سەرکردایەتیا پارتی دیموکراتی کوردستان ب چەندین پۆستان راسپاردیه وەک ئەندامەتیا پەرلەمانێ کوردستانێ کۆ ژێ هات خواستن ببت ئەندام پەرلەمان لێ شەهیدێ سەرکردە وەرگرتنا پوستان رەتکری یه، کۆ ئەڤەژی وێ دگەهینت بۆ دلسۆزی و ڤیانا وی بۆ گەل و وەلاتی نەک بۆ پۆستان کۆ ئەف سەخلەتێ وەفاداریێ ل دەف کێم سەرکردان هەیە
لروژا (۲٤ ـــ ٦ـــ ۲٠٠۷ )باژێرێ دهۆکێ چویه بەردلوڤانیا خودایێ مەزن …
ل دوماهیێ هزار سلاڤ لسەر گیانێ تەیێ پاک بن و سەر کاروانێ وان بارزانیێ نەمر و کاک ئیدریسێ هەردەم ساخ ..