وەزارەتا دەرڤە یا ئیراقێ دیارکر، هەردوو وەزیرێن دەرڤە یێن ئیراق و ئیرانێ دەربارەی هشکبوونا رویباران ب تەلەفونێ گوتوبێژ کرن.
وەزارەتا دەرڤە یا ئیراقێ د راگەهاندنەک بەلاڤکریە، فوئاد حسێن، وەزیرێ دەرڤە یێ ئیراقێ دگەل حسێن ئەمیر عەبدولەهیان، وەزیرێ دەرڤە یێ ئیرانێ ب رێیا تەلەفونێ دەربارەی هشکبوونا رویباران گۆرانکاریێن سەقای گوتوبێژ کرن.
وەزارەتا دەرڤە یا ئیراقێ راگەهاندیە، هەردوو لایەنێن ئیراقی و ئیرانی دەربارەی رێیێن بەرهەنگاربوونێ و تۆز بارین بووچوونێن خۆ لێکگوهارتن و بڕیار دا ژ پێخەمەت کێمکرنا کارتێکرنێن وان دوو دیاردان کاربکەن.
د راگەهاندنا وەزارەتێ دا هاتیە، هەردوو وەزیرێن دەرڤە یێن ئیراق و ئیرانێ پرسا ئاسایش و ئارامیا دەڤەران گوتوبێژکرن، ب تایبەت دانوستاندن ل سەر پرسا ئاشتیێ ل دەڤەرێ کر.
وەزارەتا دەرڤە یا ئیراقێ دیارکریە، دەربارەی کۆمبوونا شاندێ تەکنیکی یا هەردوو وەلاتان ل بەغدا، هەردوو وەزیرێن دەرڤە یێن ئیراق و ئیرانێ رێککەفتن.
د راگەهاندنێ دا دوپاتکریە، هەردوو وەلات دانوستاندنێن بەردەوام دەربارەی پرسا ژێدەرێن ئاڤێ دکەن، بۆ ل بەرچاڤگرتنا بەرژەوەندیێن هەردوو لایان.
Comments are closed, but trackbacks and pingbacks are open.