زێ بادینان :
ژئەگەرێ كێمبوونا ئاڤێ، بەرهەمێ گەنمی دێ ل عیراقێ كێم بیت، وەزارەتا چاندنێ یا عیراقێ ژی دبێژیت: ل وەرزێ داهاتی ئاستێ بەرهەم ئینانا گەنمی ل عیراقێ نا گەهیتە دوو ملیون تەنان، ئەو كێمبوونە ژی دێ عیراقێ رووی ب رووی كێشەیەكا مەزن كەت.
د ڕاگەهاندنەكێدا وەزارتا چاندنێ یا عیراقێ ئاشكرا كر، كو پلانەك دانایە بۆ وەرزێ داهاتی، 800 هزار دونەمێن ئەردێ چاندنێ ب بیرێن ئیرتوازی ئاڤ بدەت و 9 ملیون دونەمێن ئەردێ دێم ب گەنمی بچینیت، و ئەو چەندە ژی دا زانین كو ژئەگەرێ هشككرنا ژێدەرێن ئاڤێ ژلایێ ئیرانێ ڤە، پلانێن كشتۆكاڵی ل پارێزگەها دیالا گەهشتییە خالا سفرێ.
دهێتە زانین حكومەتا عیراقێ بەردەوام دانوستاندنان دگەل توركیا و ئیرانێ دكەت بۆ بەردانا پشكا عیراقێ ژ ئاڤا رووباران، باڵیۆزێ توركیا ل بەغدا ژی دبێژیت: ڕێككەفتنا ساڵا 2014 دەربارێ بەردانا پشكا عیراقێ ژ ئاڤا هەردوو رووبارێن دیجلە و فورات دێ هێتە ئەكتیڤكرن.
Comments are closed, but trackbacks and pingbacks are open.