بەرپرسێ دەزگەھێ ھەلبژارتنێن پارتی ل سلێمانیێ: دەم بۆ رێڤەبرنا ھەلبژارتنان نەمایە

رزگار ئەژی، بەرپرسێ دەزگەھێ ھەلبژارتنێن پارتی ل سلێمانیێ بۆ ئاژانسا خانی راگەهاند، ھەتا بەری ھەیڤەکێ ژی دەلیڤە ھەبوو ئەگەر کۆمسیۆن نوکە ھاتبا کاراکرن شیان ھەبوون ھەلبژارتنان بڕێڤەببەن، بەلێ بدیتنامن نوکە دەم نەمایە و لایەنێ کێم کۆمسیۆنێ پێدڤی ب شەش ھەیڤان ھەیە بۆ بەرھەڤیێن ھەلبژارتنان، ژبەرکو دەم نەمایە ل ھەمبەر کۆمسیۆنێ.

بەرپرسێ پارتی گۆت: ئاریشا سەرەکیا دناڤبەرا لایەنێن سیاسی لدۆر ھەلبژارتنان پرسا کۆرسیێن کۆتایە، چونکە لدۆر کاراکرنا کۆمسیۆنێ و سیستەمێ ھەلبژارتنان و تۆمارا دەنگدەران ب چەند کۆمبوونەکا دێ لایەنێن سیاسی گەھنە رێکەفتنێ.

رزگار ئەژی دیارکر: پارتی گەلەك ئاریشە لدۆر سیستەمێ ھەلبژارتنان نینە، بەلێ فرە بازنەیی بۆ ھەلبژارتنان ھندەك ئاریشە ھەنە، ژوانژی لایەنێن سیاسی ئەڤێن بچووك جەماوەرێ وان یێ بەر بەلاڤە و ئەگەر سیستەم ئێك بازنەیی بیت دێ کۆرسیەکێ یان چەند کۆرسیەکا بدەستڤە بینن، بەرۆڤاژی سیستەم ببیتە چەند بازنەک ئەو لایەن نەشێن ئێک کۆرسی ژی بینن.