پارتی دیموکراتی کوردستان مژوولی بەرهەڤکرنا پڕۆژەکێیە ژبۆ حوکمەتا نوویا ئیراقێ و بەرپرسەکێ پارتی ژی دبێژیت، بەری بچینە بەغدا دێ پارتی ل گەل لایەنێن سیاسی کۆمبیت.
بلند ئیسماعیل، بەرپرسێ لقێ 16 یێ پارتی دیار کر” نوکە پارتی مژوولی بەرهەڤکرنا پڕۆژەکێیه بۆ بەغدا و پارتی دێ هەموو داخوازیێن هەرێما کوردستانێ د چارچوڤێ پاکێجەکی ل گەل لایەنێن ئیراقی بۆ دانوستاندان گەل خۆ بەتە بەغدا و دەست ب دانوستانان بکەت ل دۆر حوکمەتا نوو یا ئیراقێ، بڕیارە پشتی ئێکەم کۆمبوونا پەرلەمان دەست ب پێکئینانا حوکمەتێ بهێتە کرن.
بلند ئیسماعیل گۆت ژی” لایه‌نێن دی ژی دشێن پشکاریێ د پڕۆژێ پارتی دا بکەن و دەرگەهێ پارتی یێ ڤالایە بۆ هەر لایەنەکی، بەری پارتی بچیتە بەغدا ژی دێ دگەل لایەنێن هەرێما کوردستانێ کۆمبیت، چونکە پارتی دخوازی کورد ب ئێکگرتی بچنە بەغدا ، بەری نوکە ژی شاندێ دانوستاندکارێ پارتی سەرەدانا لایەنێن سیاسی کریە ب مەرەما چێکرنا ئێکرێزیێ
Comments are closed, but trackbacks and pingbacks are open.