زێ بادینان ، مەگەزین
بەرپرسەکێ پارتی دیموکراتی کوردستان ئاشکراکر، شاندەکێ بلندێ پارتی نوکە ل بەغدایە بۆ ئەنجامدانا دانوستانان دگەل لایەنێن ئیراقی و دبێژیت، دەنگێن پێدڤی بۆ سەرخستنا بەربژێرێ پارتی ھاتینە کومکرن و دێ سەرکەڤیت.
کرمانج عەبدولا، بەرپرسێ لقێ ٢٣ێ یێ پارتی بۆ ئاژانسا خانی دیارکر” شاندەکێ بلندێ پارتی ب سەرۆکایەتیا ھشیار زێباری نوکە ل بەغدایە بۆ ئەنجامدانا دانوستانان و ئەنجامێن باش بدەستڤە ئینایە، چونکە ژبلی وان لایەنێن پارتی رێکەفتن دگەل ھەیە، ھژمارەک پەرلەمانتار و لایەنێن دیژی دێ دەنگی دەنە بەربژێرێ پارتی دیموکراتی کوردستان، ھەتا ناڤا ھەڤپەیمانیا ھەماھەنگیا شیعی ژی دەنگ دێ بۆ ھشیار زێباری ھێن.
کرمانج عەبدولا گۆت ژی” پارتی دخواست کورد ب ئێکریزی بچنە بەغدا و ناکۆکی نەبن دناڤا مالا کوردان، بەلێ مخابن برادەرێن ئێکەتی نیشتیمانی بەھانەیێن جودا ڤەدیتن بۆ تێکدانا ئەڤێ ئێکڕێزیێ و ئێکەت بۆ ئەگەرێ پەرتبوونا ناف مالا کوردان، لەوڕا ئەو وەکی پارتی ھەر گاڤ دبێژیت مە ئێکگرتنا کوردان پێدڤیە بۆ ڤێ قۆناغێ، بەلێ ھندەک لایەن بەرھەڤ نینن بۆ ئێکگرتنا کوردان ل بەغدا.
Comments are closed, but trackbacks and pingbacks are open.