سەرۆکێ دیوانا جڤاتا وەزیران و وەزیرێ پەروەردێ یێ حکومەتا هەرێما کوردستانێ دەربارەی چاکسازیێن دناڤ وەزارەتا پەروەردێ دا گوتوبێژکرن.
سایتێ فه‌رمی یێ حكومه‌تا هه‌رێما كوردستانێ راگەهاندنەک بەلاڤکر و دیارکر، د. ئومێد سەباح، سەرۆکێ دیوانا جڤاتا وەزیران، سەرەدانا وەزارەتا پەروەردێ کر و ژ لایێ ئالان حەمەسەعید سالح، وەزیرێ پەروەردێ ڤە هاتە پێشوازیکرن.
د دیدارەکێ دا سەرۆکێ دیوانا جڤاتا وەزیران و وەزیرێ پەروەردێ باس ل سیستەمێ E-parwarda کر، یێ کو بویە ئەگەرێ کێمبوونا روتینێ ل سازیێن حکومەتێ و وەزارەتا پەروەردێ.
د راگەهاندنێ دا هاتیە، سەرۆکێ دیوانا جڤاتا وەزیران، ب بهاڤە باس ل گرنگیا وەزارەتا پەروەردێ کر و ئاماژە ب هەماهەنگییا زێدەتر یا دناڤبەرا سەرۆکاتیا دیوانا جڤاتا وەزیران و وەزارەتا ناڤهاتی دا کر.
د راگەهاندنێ دا دیارکریە، سەرۆکێ دیوانا جڤاتا وەزیران، ئاماژەکریە بەری هاتنا وەرزێ زڤستانێ دێ نەفت بۆ قۆتابخانا هێتە دابینکرن.
Comments are closed, but trackbacks and pingbacks are open.