ژێدەرەكێ حكومی دەستپێكرنا مووچەیێ هەیڤا 7 یێ خانەنشینێن مەدەنی و سەربازی راگەهاند.
ژێدەرەكێ حكومەتا بەغدا راگەهاند كو ژ دوهی ئێڤاری دەست ب دابەشكرنا مووچەیێ خانەنشینێن سەربازی و مەدەنی یێن عیراقێ هاتییە كرن و ئەو تەخا جڤاكی ب رێیا كارتا ئەلكترۆنی دشێن مووچەیێن خۆ ژ بانك و نڤیسینگەهێن دی یێ وەرگرتنا مووچەی وەرگرن.
حكومەتا عیراقێ ب رێیا مەسجەكێ خانەشینان ل سەر دابەشكرنا مووچەیێن وان ئاگەهدار دكەت و هەردەمێ ئەو مەسج گەهشتێ، ل هەر جهەكێ لێ بیت خانەنشین دشێت مووچەیێ خۆ وەرگریت.
حكومەتا فیدرال مووچەیێ خانەنشینان بەری مووچەیێ هەمی فەرمانبەر و مووچەخۆرێن دی دابەش دكەت و هەر ژ نۆكە ژی یێ مووچەیێ ڤێ هەیڤێ وەردگرن، لێ ل هەرێما كوردستانێ دابەشكرنا مووچەیێ خانەنشینان پشتی هەمی فەرمانبەر و مووچەخۆرێن دی یە و هەتا نۆكە چ بەحسێ مووچەیێ وان یێ هەیڤا بۆری نینە.
Comments are closed, but trackbacks and pingbacks are open.